...

2007-ci ildə Azərbaycan banklarının kapitallaşması 82 faiz artıb

Biznes və iqtisadiyyat xəbərləri Materials 1 Fevral 2008 17:34 (UTC +04:00)

Azərbaycan, Bakı, 01 fevral/ Trend , müxbir İ.Xəlilova/ Azərbaycan Milli Bankı dekabr ərzində ölkənin bank sektorunun kapitallaşması ilə bağlı vəziyyətin yaxşılaşmasını təsdiqləyir. Belə ki, 2008-ci il yanvarın 1-nə olan vəziyyətə görə, ölkədə fəaliyyət göstərən bütün bankların ümumi kapitalı 7,3 faiz artaraq, 1098,1 mln. manata çatıb. Bu barədə AMB-dən məlumat veriblər. Ötən il ərzində bankların kapitallaşması 82 faiz artıb.

Bununla yanaşı, altı bank hələ ki, ümumi kapitalın minimal ölçüsünə dair Milli Bankın tələbini yerinə yetirməyib. 2007-ci il iyulun 1-nə ümumi kapital 10 mln. manat səviyyəsində formalaşdırılmalıdır.

AMB-nin məlumatlarına görə, 2008-ci il yanvarın 1-nə 39 bankın kapitalı 10 mln. manatı ötüb. Onların bütün bankların ümumi kapitalında xüsusi çəkiləri 95,1 faiz təşkil edib.

Beş bankın kapitalı 5 -10 mln. manat civarında formalaşdırılıb. Bir bank isə onu 3,5 mln. manatdan 5 mln. manatadək ödəyib.

Ümumilikdə respublikada 47 bank fəaliyyət göstərir. Lakin Pochtbank hesabat aparmır. Belə ki, onun əməliyyatları tamamilə məhdudlaşdırılıb. AMB-nin idarə heyəti ötən il noyabrın 29-da yüz fazili Azərbaycan kapitalına malik daha iki banka - "Pasha Bank" ASC və Avrasia Bank səhmdar-kommersiya bankına bank fəaliyyəti göstərmək üçün lisenziya verilməsi haqqında qərar qəbul edib.

Bu il Milli Bank bankların kapitallarına yeni normativ tələblər irəli sürməyi planlaşdırmır. Lakin AMB onların sonrakı kapitallaşması üçün strategiya hazırlamaq niyyətindədir.

Xəbər lenti

Xəbər lenti