Azərbaycan, Bakı, 14 fevral/ " müxbir İ.Xəlilova/ Yaxın üç il ərzində Azərbaycanda sement məhsullarına tələbat, sement zavodlarının sayından asılı olmayaraq, 3 mln. ton (7 mln. tonadək) artacaq. Bu barədə cümə axşamı iqtisadi inkişaf naziri Heydər Babayev məlumat verib.
"Qaradağ Sement" ASC Azərbaycanda ən iri klinker və sement istehsalı olmaqla, bu bazarın 40 faizədək hissəsini tutur. Nazirin sözlərinə görə, onun payı ildən- ilə azalır və bu, ölkədə sement istehsalçılarının sayının artması ilə izah edilir. Bu yaxınlarda Qazaxda açılan sement zavodu buna sübutdur.
"Bu, ölkənin tikinti sektorunda rəqabət yaratmağa yaxşı göstəricidir. Lakin ən keyfiyyətli sement istehsalını bu gün bazarda ən böyük təsirə malik olan Qaradağ zavodu təmin edir", - nazir bildirib.
"Qaradağ Sement" üç il ərzində istehsal həcmini 1,7 mln. tonadək çatdırmağı planlaşdırır. Ötən ilin yekunlarına görə, müəssisənin sement satışının həcmi 1,34 mln. ton təşkil edib.
Hazırda Fransanın Lafarge şirkəti kimi dünya sement istehsalçıları ilə danışıqlar aparılır.
"Bu gün istehsalçılarla danışıqlarda əsas problem xammal mənbələri məsələsidir.Onlar əhəngdaşı yataqlarında 45-50 deyil, 100 illik ehtiyatın olduğundan əmin olmaq istəyirlər", - Babayev bildirib.
Nazir hesab edir ki, sement istehsalına investisiyaların həcmi məhsulun qiymətində özünü göstərməməlidir. Belə ki, bu məsələ ona təlabat və dünya bazarlarında qiymət konyukturası ilə nizamlanır.
Bununla yanaşı, o əlavə edib ki, hökumətdə qiymətlərin artımının qarşısının alınması üçün, azaldılması mümkün olmayan müəyyən hədd müəyyən edilib.
Məqalə müəllifinin ünvanı: [email protected]
