Azərbaycan, Bakı, 06 mart / Trend , müxbir İ.Xəlilova/ Martın 30-da Çelyabinsk vilayətinin iş adamlarından ibarət nümayəndə heyətinin Bakıya səfəri gözlənilir. Bu barədə cümə axşamı Rusiya Federasiyasının Azərbaycanda ticarət nümayəndəsi Yuri Şedrin bildirib.
Hazırda nümayəndə heyətinin tərkibi və səfər proqramının formalaşdırılması üzəiində iş gedir. Nümayəndə heyətinin tərkibində 10 iri sənaye müəssisəsi və şirkətinin nümayəndələrinin təmsil ounacağı gözlənilir.
"Onlar Azərbaycan bazarının təlabatı və Çelyabinsk vilayətindən məhsul tədarükünün mümkünlüyü ilə maraqlanacaqlar. Eyni zamanda, Aəzrbaycan müəssisələrinə baxmaq da istəyirlər" - deyə ticarət nümayəndə bildirib.
Onun sözlərinə görə, proqrama ilkin olaraq "Gilan Holding" və meyvə-tərəvəz müəssisəsi olan "Qafqaz-konserv" müəssisələrinin istehsal prosesi ilə tanış olmaq üçün, müvafiq olaraq, Qəbələ və Xaçmaza səfərlər daxil edilib.
Səfər 2006-cı ildə imzalanan ticari-iqtisadi əməkdaşlığa dair hökumətlərarası Saziş çərçivəsində həyta keçiriləcək.
Müəlliflə əlaqə ünvanı : [email protected]
