Azərbaycan, Bakı, 08 aprel / Trend , müxbir İ.Xəlilova/ İqtisadi tərəfdaşlıq üzrə Azərbaycan-ABŞ hökumətlərarası komissiyasının ikinci iclasının keçirilmə tarixi may-iyun aylarına qədər təxirə salınıb. Bu barədə Azərbaycanın USAID-dəki əlaqələndiricisi Skott Teylor bildirib. Vaşinqtondakı görüş aprel ayında keçirilməli idi.
"Birgə iclasların vaxtı o qədər də vacib deyil, əsas odur ki, biz bu gün Azərbaycandakı layihələrə maliyyə dəstəyi göstərməyə hazırıq" - deyə Teylor bildirib.
Onun sözlərinə görə, reallaşdırılan layihələrdə irəliləyiş əldə olunub. Bu layihələr tədarük və sərmayə yatırımları həcminin artmasına, ölkə regionlarında həyat şəraitinin yaxşılaşmasına imkan yaradıb. Bununla yanaşı, iqtisadi və sosial islahatlar üzrə müəyyən uğurlar əldə olunub.
USAID-in baş iqtisadçısı Pol Deyvis bildirib ki, qarşıda duran iclas çərçivəsində beş layihənin birgə maliyyələşdirilməsinə dair müqavilələrin imzalanması gözlənilir. Onlar bu istiqamətlərdə hazırlanıb: maliyyə sektorunun stabilləşdirilməsi, fiskal sektorda islahatlar, özəl sektorda rəqabət qabiliyyətliliyin, həmçinin regionlarda makroiqtisadi siyasətin (vətəndaş cəmiyyəti və icmaların inkişafı üzrə iki layihəyə bölünür) inkişafı. Bu layihələrin ümumi həcmi təxminən 20 mln. dollar dəyərində qiymətləndirilir və onların hər biri iki illik nəzərdə tutulub.
"Əsas məqsəd birgə maliyyələşdrimə vasitəsilə Azərbaycan və ABŞ arasında tərəfdaşlığın başlanğıcını qoymaq, həmçnin onun ümumi həcminin müəyyənləşdirliməsidir" - deyə Deyvis bildirib.
Komissiyaya Azərbaycan tərəfindən Azərbaycanın maliyyə naziri Samir Şərifov, ABŞ tərəfindən isə ABŞ Dövlət Katibinin müavini Deniel Sallivan həmsədrlik edir. Azərbaycan-Amerika iqtisadi komissiyasının ilk iclası 2007-ci il fevralın 7-də Bakıda keçirilib. Bundan əvvəl iqtisadi əməkdaşlıq üzrə birgə İşçi qrupun 10 iclası keçirilib (hər il iki belə iclas keçirilib).
Ötən ilin 15-16 avqustunda Sallivan ilk iclas qərarlarının reallaşdırılımasını nəzərdən keçirmək üçün Bakıya səfərə gəlib. O zaman tərəflər birgə maliyyələşdirmə üzrə İşçi qrupu formalaşdırıb və birgə layihələr üçün sosial, inteqrallaşma (Ümumdünya Ticarət Təşkilatı və Avropa İttifaqı ilə yaxınlaşma), vətəndaş cəmiyyətinin inkişafı və. s. sahələri müəyyən ediblər.
Müəlliflə əlaqə saxlamaq üçün elektron ünvan : capital
