Azərbaycan, Bakı, 21 aprel/ Trend / "Azərbaycan Hava Yolları" Dövlət Konserninin (AZAL) yenidən təşkil edilərək qapalı səhmdar cəmiyyətinə çevrilməsi prosesinin mayda başa çatdırılması planlaşdırılır. Bu barədə bazar ertəsi AZAL Baş direktorunun birinci müavini Sabir İlyasov məlumat verib.
AZAL-ın formasının yenidən təşkil edilməsi mülki aviasiya idarəsinin kommersiya və nizamlayıcı funksiyalarının ayrılması səbəbindən həyata keçirilib. İlyasov bu funksiyaların AZAL və Dövlət Mülki Aviasiya Administrasiyası arasında ayrıldığını bildirib.
Prezident İlham Əliyevin AZAL-ın yenidən təşkili üzrə sərəncamında deyilir ki, bu mülki aviasiyanın daha çox inkişaf etməsi, bu sahədə effektliliyin artırılması, aviaxidmətlərin və uçuşların təhlükəsizlik səviyyəsinin artırılması məqsədilə edilib.
Sərəncamda müəyyən edilib ki, QSC-nin prezidenti, vitse-prezidenti və digər vitse-prezidentləri Azərbaycan Respublikası prezidenti tərəfindən vəzifəyə təyin və vəzifədən azad edilə bilərlər.
Üç ay ərzində yeni QSC-nin Nizamnamə və strukturu təsdiq ediləcək.
