Bakı. Trend:
Bu ilin aprel ayında Azərbaycanda bütün platformalarda (kompüter, mobil cihazlar və planşetlərdə) "Google" axtarış sisteminin bazar payı 90,02% təşkil edib.
Trend bu barədə "Global Stats" statistika mərkəzinə istinadən məlumat verir ki, bu, mart ayına nisbətən 0,17 faiz bəndi çoxdur.
İkinci pillədəki "Bing"in bazar payı aylıq müqayisədə 0,01 faiz bəndi artaraq 5,14%-də qərarlaşıb.
Növbəti yerdə qərarlaşan "Yahoo"nun bazar payı ay ərzində 0,02 faiz bəndi artaraq 1,5% olub.
Dördüncü yerdəki "Yandex"in bazar payı ay ərzində 0,11 faiz bəndi azalaraq 1,19% təşkil edib.
İlk beşliyi qapadan "DuckDuckGo"nun bazar payı ay ərzində 0,04 faiz bəndi azalaraq 0,71% olub.
