Azərbaycan, Bakı, 27 may/ Trend , müxbir İ.Xəlilova/ Azərbaycanın Maliyyə Nazirliyi region ölkələri ilə müqayisədə, rəqabətli vergi mühitinin yaradılması üçün mənfəət vergisi üzrə dərəcənin azaldılmasının zəruri olduğunu təsdiqləyir. Bu barədə maliyyə nazirinin müavini Azər Bayramov məlumat verib.
"Vergi dərəcəsinin 20 faizədək azaldılması məntiqidir. Belə ki, Cənubi Qafqazda, əsasən, belə dərəcə tətbiq olunur. Mərkəzi Asiya ölkələri də dərəcəni bu səviyyəyə çatdırmağa çalışırlar", - nazir müavini bildirib.
Bu gün mənfəət vergisi üzrə ən yüksək dərəcə 30 faiz səviyyəsində Qazaxıstandadır. Lakin, hökumət vergi qanunvericiliyinə dəyişikliklər hazırlayır. Bu dəyişikliklərdə dərəcənin 20-24 faiz civarında nəzərəçarpacaq dərəcədə azaldılması nəzərdə tutulub Türkmənistanda mənfəət vergisi 20 faiz təşkil edir.
"Biz növbəti ilin əvvəlində mənfəət vergisi üzrə dərəcəni 20 faizədək azaltmağı təklif edəcəyik ki, yeni dərəcəni 2010-cu ildən tətbiq etmək mümkün olsun, - Bayramov qeyd edib. 2007-ci ilin sonuna və 2008-ci ilə olan vəziyyət əsaslı surətdə fərqlənəcək və bununla əlaqədar, hazırki keçid mərhələsində dövlət büdcəsinə gözlənilən dəyişikliklər və təsirlərdən danışmaq çətindir".
Azərbaycan verginin bu növü üzrə sonuncu dəyişikliklər 2006-cı ildə edilib və mənfəət vergisi üzrə dərəcə 24 faizdən hazırki 22 faizədək azaldılıb.
Müəlliflə əlaqə saxlamaq üçün elektron ünvan: [email protected]
