Azərbaycan, Bakı, 05 avqust/ Trend , müxbir İ.Xəlilova/Almaniyanın KfW inkişaf bankı Azərbaycan hökumətinə vərəmlə mübarizə, diaqnostika və müalicə Proqramının II fazası üzrə razılaşma layihəsini imzalamağa göndərib, - çərşənbə axşamı Bankın Bakı ofisinin rəhbəri Natiq Abdullayev deyib. Bank tədbirlərin davam etdirilməsi üçün 1,650 mln. avro məbləğində qrant ayırıb.
Azərbaycan hökuməti adından razılaşma layihəsinin imzalanması səlahiyyəti maliyyə naziri Samir Şərifova və səhiyyə naziri Oqtay Şirəliyevə həvalə edilib.
Abdullayevin sözlərinə görə, ikinci faza çərçivəsində, vərəmdən müalicə üçün dərman ləvazimatları və layihənin birinci fazası çərçivəsində, Ftiziatriya və Pulmonologiya Institutu ərazisində tikilmiş laboratoriya üçün sərfiyyat materiallları təmin ediləcək. KfW-in vəsaitləri hesabına 2012-ci ilədək dərman ehtiyatlarının yaradılması da nəzərdə tutulub.
II fazanın həyata keçirilməsi 2009-cu ildən başlayacaq. Alışlar Ümumdünya Səhiyyə Təşkilatının tələblərinə uyğun olaraq, açıq tender vasitəsilə keçiriləcək, - Bankın yerli ofisinin rəhbəri deyib.
KfW vərəmələ mübarizə Proqramının ilkin mərhələsinə Zaqafqaziya ölkələrinə 7 mln. ayırıb. Qrantın ən böyük məbləği Azərbaycana - 3 mln. avro, Ermənistana - 2,5 mln. avro ayrılıb, qalan məbləğ Gürcüstana verilib. Birinci fazanın həyata keçirilməsi 2007-ci ilin sonunda başa çatıb.Qrant vəsaitləri hesabına Azərbaycana mikroskop, rentgen, I dərəcəli dərman ləvazimatları təchiz edilib. Əlavə maliyyələşmə vərəmə yoluxmuş xəstələr üçün nəzərdə tutulan II dərəcəli dərman ləvazimatının alınması məqsədilə verilib. Multirezisdent dərmanlara immunitetin müəyyən edilməsi üçün tədqiqatlar laboratoriyada keçiriləcək.
Ümumdünya Səhiyyə Təşkilatının məlumatlarına əsasən, hər il dünyada 10 mln. adam vərəmə yoluxur ki, bunların da 3 mln. vəfat edir. Azərbycanın tibb idarələrində hər il bu xəstəliyə yoluxmuş 3,5-3,7 adam qeydiyyata alınır. Lakin son illər onların sayı azalıb.
Digər ölkələrdə olduğu kimi, Azərbaycanda da vərəmlə mübarizə üzrə strategiya hazırlanıb. Bu strategiya 2000-ci ildən fəaliyyətdədir və həmin ilin mayından bununla bağlı Qanun qüvvəyə minib. Vərəmə yoluxmuş xəstələrin müalicəsi üçün 2002-ci ildən Ümumdünya Səhiyyə Təşkilatının "DOTS" Proqram üsulundan istifadə edilir. Səhiyyə Nazirliyi xəstəliyin aşkarlanması və müalicəsi üzrə profilaktik tədbirləri nəzərdə tutan vərəmlə mübarizə üzrə Dövlət Proqramını da hazırlayıb.
Avqustun 5-nə cari valyuta məzənnəsi 0,8096 AZN/USD-dır.
