Azərbaycan, Bakı, 11 avqust/ Trend , S.Babayeva/ İlk yarımildə Naxçıvan Muxtar Respublikasında sənaye istehsalı üzrə artım 81 milyon manatı ötüb ki, bu da 2007-ci ilin həmin dövrü ilə müqayisədə 20 faizdən çox artım deməkdir, - NMR-in Bakıdakı daimi nümayəndəliyindən bildiriblər.
Ümimi istehsal strukturunda 79,2 faiz məhsul istehsalının, 20,8 faiz isə xidmətlərin payına düşüb.
Sənaye strukturunda 0,2 faiz hasilat, 83,8 faiz yenidən emal, 16 faiz elektrik enerjisi və suyun istehsalı və paylaşdırılması ilə məşğul olan müəssisələrin payına düşür.
Sənaye sahəsində özəl sektorun payı 68 mln. manat, dövlət sektorunun payı isə 14 mln. manat təşkil edib.
