...

Avropa Yenidənqurma və İnkişaf Bankı Azərbaycanın kredit təşkilatının maliyyələşdirilməsi üzrə danışıqları dayandırıb

Biznes və iqtisadiyyat xəbərləri Materials 8 Sentyabr 2008 17:45

Trend-i buradan izləyin

Azərbaycan, Bakı, 08 sentyabr/ Trend , müxbir İ.Xəlilova/ "Avropa Yenidənqurma və İnkişaf Bankı (AYİB) Gürcüstanda vəziyyət sabitləşənədək, bank olmayan kredit təşkilatı TBC Credit ilə (əvvəllər SOA Credit adlandırılıb) kredit xəttinin açılmasına dair danışıqları təxirə salıb, belə ki, onun əsas səhmdarı Gürcüstanın TBC Bank-ıdır", - təşkilatın sədr müavini Əjdər Əliyev bazar ertəsi bildirib.

2008 - ci il ərzində vəsaitin cəlb edilməsi planlaşdırılan digər maliyyə institutu - Amerikanın OPİC (Overcies Provide Investment Company) maliyyə institutundan kredit ehtiyatlarını gələn ilin əvvəlinədək almaq mümkün olacaq.

"İndiki vəziyyətdə OPİC TBC Credit-ə maliyyə dəstəyi ilə bağlı böyük səy göstərsə də, kreditlərin ayrılmasının yubanması onun büdcəsinin, əvvəllər nəzərdə tutulduğu kimi, mayda deyil, oktyabrda təsdiqlənməsi ilə bağlıdır", - Əliyev bildib.

Maliyyə ehtiyatları ilə bağlı problemlərlə əlaqədar TBC Credit TBC Bank ilə danışıqlar aparır. Öz növbəsində, bank uzunmüddətli fondlarla dəyişdirilənədək qısamüddətli fondların ayrılmasına hazır olduğunu bildirib. Gürcüstandakı qeyri - sabit vəziyyət gürcü banklarına da təsir göstərib; əmanətçilər təşvişə düşərək vəsaitlərini götürməyə başlayıblar. Sədr müavininin sözlərinə görə, artıq vəziyyət sabitləşir və TBC Bank artıq oktyabrda Azərbaycandakı törəmə şirkətinə maliyyə vəsaitləri ayırmağa hazırdır.

Fondlaşdırmanın kifayət olmaması ilə əlaqədar TBC Credit növbəti bir neçə ayda kredit portfelində əhəmiyyətli artımın olacağını gözləmir. Bu səbəbdən, 2008 - ci ilin sonuna kredit yatırımları üzrə proqnoz göstəriciləri, çətin ki icra edilsin.

2008 - ci ilin sonunadək kredit portfelini $30 mln.-a çatdırmaq planlaşdırılsa da, hazırda o, $19,5 mln. səviyyəsində formalaşdırılıb.

TBC Credit bank olmayan kredit təşkilatı kimi məhdud bank lisenziyası ilə fəaliyyət göstərir. Depozitlər cəlb etmək imkanın olmaması ilə əlaqədar, TBC Credit cəlb edilmiş kredit vəsaitləri hesabına əməliyyatlar həyata keçirir. Xarici maliyyələşdirmənin cəlb edilməsi üzrə danışıqlar Avropa Yenidənqurma və İnkişaf Bankı (AYİB) və OPİC (Overcies Provide Investment Company) ilə aparılıb. TBC Credit cari ildə likvidlik problemi ilə qarşılaşan Azərbaycan banklarının çoxsaylı müraciətləri ilə əlaqədar, digər beynəlxalq təşkilatlardan vəsait cəlb edəcəyinə ümid etmir.

TBC Credit bu səbəbdən - yəni cəlb edilmiş kredit vəsaitlərinin yoxluğu ilə əlaqədar hazırda yalnız şəxsi vəsaitləri hesabına kredit ayırır. Paralel olaraq, kredit təşkilatı digər maliyyə institutları ilə danışıqlara başlamağı planlaşdırır.

2008 - ci ilin sonunadək $30-40 mln. vəsait cəlb etmək planlaşdırılsa da, hazırda TBC Credit-in cəlb etdiyi xarici kreditlərin həcmi $10 mln. səviyyəsindədir.

OPİC - Amerikanın Xarici Sərmayələr üzrə Dövlət Təşkilatı SOA Credit-in maliyyələşdirilməsinə 2004 - cü ildə başlayıb. $2,5 mln. həcmində birinci kredit xətti 7 ilə, $7,5 mln. həcmində ikinci kredit xətti isə 9,5 ilə hesablanıb. Sonuncu kredit 2007- ci ildə alınıb və tam mənimsənilib.

OPİC-in vəsaitləri biznes kreditlərin və kredit təşkilatının ipoteka proqramının maliyyələşdirilməsinə yönəldilir.

Ötən il AYİB - dən Azərbaycanda mikro və orta sahibkarlığın inkişafına $2 mln.məbləğdə kredit alınıb.

Cari ildə bank xaricdən kredit cəlb etməyib.

2008 - ci ilin əvvəlində TBC Bank-ın daxil olmasınadək SOA Credit-in 100 faizlik təsisçisi Amerikanın Shorebank qrupuna daxil olan Shorebank International beynəlxalq Konsaltinq Şirkəti olub. Gürcüstan bankı kredit təşkilatında 75 faiz iştirak payına malikdir.

Sentyabrın 8-nə olan rəsmi məzənnə -- 0,8147 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti