...

DB və Azərbaycan ölkənin təhsil sisteminə islahatlar üçün nəzərdə tutulan sonuncu güzəştli kredit üzrə sazişin imzalanmasına hazırlaşır

Biznes və iqtisadiyyat xəbərləri Materials 11 Sentyabr 2008 12:56

Trend-i buradan izləyin

Azərbaycan, Bakı, 11 sentyabr / Trend , müxbir İ.Xəlilova/ Azərbaycan hökuməti və Dünya Bankı sentyabrın iknci yarısında ölkədə təhsil sisteminə islahatların aparılması layihəsi üzrə kredit sazişin imzalanmasına hazırlaşırlar, çərşənbə günü bankın Bakı nümayəndəliyindən bildiriblər. Sazişin imzalanması üçün səlahiyyət təhsil naziri Misir Mərdanova verilib.

Layihənin ümumi dəyəri $45,4 mln.-a bərabərdir və bunun $25 mln.-u DB-nin kreditinin payına düşür. Kredit Beynəlxalq İnkişaf Assosiasiyasının xətti üzrə ayrılıb [10 il güzəştli dövr olmaqla 35 ilə və illik 0,75 faiz dərəcə ilə]. Layihənin dəyərinin qalan hissəsi Azərbaycan hökumətinin iştirakı və UNİCEF-in qrantı hesabına ödəniləcək.

Layihə orta təhsil, məktəbəqədər təhsil və texniki-peşə təhsilində islahatları əhatə edəcək. Kredit vəsitləri yeni kurrikulumların tətbiqi, müəllimlərin ixtisasartırma sistemlərinin müasirləşdirilməsi, tədris təcrübəsinə yeni mədəniyyətin tətbiqi, 5-6 yaşlı uşaqların məktəb təhsilinə hazırlanması səylərinin dəstəklənməsi, islahatların keçirilməsinin yaxşılaşdırılması üçün inzibatçı və siyasətin potensialının artırılmasını əhatə edəcək.

Bundan əlavə, Azərbaycanın 500 məktəbinin kitabxanasına dəstək göstərmək nəzərdə tutulur. Bu, Azərbaycanda təhsil sistemində islahatların aparılmasına ayrılan sonuncu güzəştli kredit olacaq. 2008-ci maliyyə ilində güzəştli maliyyələşdirmə kvotasının başa çatması ilə əlaqədar ali təhsil sistemi sahəsində islahatların təkmilləşdirilməsinə yalnız Beynəlxalq Yenidənqurma və İnkişaf Bankının şərtləri əsasında kredit ayrıla bilər. Bu istiqamətdə ayrıca layihə hazırlanır.

Hazırda qüvvədə olan təhsil sisteminin inkişafı layihəsi bu sahədə 1999-cu ildən qüvvədə olan təhsil sistemində islahatlar proqramına əsaslanmış bölmə islahatlarına yönəlib. Proqramın məqsədi təhsilin keyfiyyətinin artırılması və ümumilikdə sektorun yenidən təşkil edilməsidir. Layihənin ümumi dəyəri $20,99 mln.-dur və bunun $18 mln.-u DB-nin kreditinin payına düşür. Kredit 2003-cü il mayın 27-də bankın Direktorlar Şurasında təsdiqlənib. Bank $5 mln. məbləğdə birinci krediti 1999-cu ildə ayırıb.

Azərbaycanda təhsil sistemində islahatlar strategiyası $250 mln. qiymətləndirilir.

Sentyabrın 11-nə olan cari mübadilə məzənnəsi -- 0,8159 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti