...

AYİB Azərbaycan bankına sayca üçüncü kredit xəttini açıb

Biznes və iqtisadiyyat xəbərləri Materials 19 Sentyabr 2008 15:00

Trend-i buradan izləyin

Azərbaycan, Bakı, 19 sentyabr / Trend , müxbir N.İsmayılova/ "Avropa Yenidənqurma və İnkişaf Bankı (AYİB) Azərbaycanın Mugan Bank-ına $5 mln. məbləğində sayca üçüncü kredit xəttini açıb", - Mugan Bank-ın İdarə Heyətinin sədri Şaiq Ələkbərov cümə günü bildirib.

"Dünən Londonda kredit sazişi bağlamışıq", - Ələkbərov qeyd edib.

Kredit xətti iki hissədən ibarətdir: kiçik və orta biznesin maliyyələşdirilməsinə $3 mln., mirkomaliyyələşdirməyə - $2 mln. vəsait ayrılıb. Kredit xətti üç ilə nəzərdə tutulub.

"AYİB-in kredit ehtiyatları kiçik və orta biznes üçün kifayət qədər sərfəli şərtlər əsasında təqdim edilib və xidmət üzrə itki və xərcləri nəzərə almaqla, faiz dərəcəsi 10 faiz səviyyəsində müəyyən edilib", - bankın rəhbəri bildirib.

Onun sözlərinə görə, yeni işə başlayan müəssisələrə kifayət qədər güzəştli şərtlər əsasında kreditlər veriləcək.

Mugan Bank AYİB ilə 2006-cı ildən əməkdaşlıq edir və üçüncü kredit xəttinin cəlb edilməsi nəticəsində Avropa bankının Azərbaycan bankı üçün portfeli $13 mln.-dək genişlənib.

Bu gün Mugan Bank 100 faizlik Azərbaycan bankıdır.

Sentyabrın 19-na olan cari mübadilə məzənnəsi -- 0,8133 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti