Gürcüsatn, Tbilisi, 24 sentyabr/ Trend , müxbir, N.Kirtsxaliya/"Böyük Briytaniya ilə ikili vergitutmanın aradan qaldırılması ilə bağlı razılaşmaya yenidən baxılması üzrə prinsipal qərar qəbul edilib", - Gürcüstanın Baş naziri Vladimir Qurgenidze hökumətin çərşənbə günü keçirilmiş iclasında deyib.
Bu qərar onun ötən həftə Londona baş tutmuş səfərinin gedişində qəbul edilib. Londonda o, Krallığın Baş naziri, maliyyə naziri və digər rəsmi şəxsləri ilə görüşüb.
"Böyük Britaniya ilə ikili vergitutmanın aradan qaldırılması üzrə razılaşmaya, vergitutmanın dividendlərinin minimallaşdırılması məqsədilə yenidən baxılacaq. Bu dəyişiklik Gürcüstana Britaniya sərmayələrinin cəlb edilməsinə xidmət edir", - Qurgenidze qeyd edib.
Onun sözlərinə görə, bu proses bir neçə aya başa çatacaq. "İndiyədək Britaniyanın sərmayələri Gürcüstanın iqtisadiyyatında mühüm rol oynayıb", - Qurgenidze vurğulayıb.
