Azərbaycan, Bakı, 21 oktyabr/ Trend , müxbir Ü.İsmayılova/ Turizm fəaliyyətinin genişlənməsi ilə əlaqədar, 2008 -ci ilin birinci yarısında Azərbaycanda bu biznesdən əldə edilən gəlir 7,9 mln. manata çatıb ki, bu da 2007-ci ilin altı ayı ilə müqayisədə, 10,8 faiz çoxdur, - Dövlət Statistika Komitəsinin məlumatında bildirilir.
Gəlirlərin ümumi həcmindən 6,2 mln. manat turist xidmətlərinin təqdim edilməsindən; 548,6 min manat büdcədənkənar fondlarda formalaşıb; ümumi gəlirlərin 99,6 faizi qeyri - dövlət, 04 faizi isə, dövlət müəssisələrindən alınıb.
Yanvar- iyunda Azərbaycanda turizm şirkətlərinin sayı beş ədəd - 107- dək, turizm əməkdaşlarının sayı isə 331 nəfər - 1,3 min nəfərədək artıb. Dövlət Statistika Komitəsinin məlumatlarına əsasən, turizm şirkətlərinin 90,7 faizi Bakıda, 9,3 faizi ölkənin digər regionlarında fəaliyyət göstərir, onların 98,1 faizi özəl şirkətlərdir.
Altı ay ərzində Azərbaycanın turizm şirkətləri ümumi dəyəri 4,4 mln. manat olan (il ərzində artım 14,2 faiz) 14,4 min putyovka (artım 29 faiz) veriblər. Putyovkaların ümumi həcmindən 1,9 mini ölkə daxilində, 11,5 mini xaricə səyahət üçün verilib. Əcnəbilərin Azərbaycan ərazisi üzrə səyahəti üçün 820 putyovka təqdim edilib.
Yanvar - iyunda turizm şirkətləri dünyanın müxtəlif ölkələrindən 8,2 min turist qəbul edib, xaricə 20,3 min nəfər göndərilib.
Birinci yarımil ərzində turizm şirkətləri 28,6 min turistə xidmət göstərib. Turistlərin 94,4 faizinə Bakıda, 2,8 faizinə Xaçmaz rayonunda, 1,5 faizinə Mingəçevirdə, 1,1 faizinə Naxçıvan Muxtar Respublikası, 0,2 faizinə ölkənin digər regionlarında xidmət göstərilib.
Müəlliflə əlaqə saxlamaq üçün elektron ünvan: [email protected]
