...

Azərbaycan hökumətinin qarşıdakı beş ildə vəzifələri

Biznes və iqtisadiyyat xəbərləri Materials 24 Oktyabr 2008 16:07 (UTC +04:00)

Trend-i buradan izləyin

Azərbaycan, Bakı, 24 oktyabr/ Trend /

Ellada Xankişiyeva, Trend - ın Analitik Mərkəzinin direktoru

Oktyabrın 15- də Azərbaycanda keçirilən prezident seçkisində İlham Əliyevin böyük üstünlüklə qazandığı (seçki məntəqələrinə gəlmiş seçicilərin səslərinin 88,73 faizi) qələbə son illərdə respublikanın iqtisadi və siyasi həyatında müsbət dəyişikliklərin məntiqi nəticəsidir.

Azərbaycan hökumətinin qarşıdakı beş ildə vəzifələri:

Məşğulluğun təmin edilməsi

Hökumətin bu sahədə başlıca məqsədi hər bir vətəndaşın işlə təmin edilməsidir. 2003 - cü ildən bəri 706 mindən çox yeni iş yeri (505 min daimi iş yeri) açılıb. Bu sahədə aparılan tədbirlərin davam etdirilməsi məqsədilə "2008 - 2015 - ci illərdə sahibkarlığın inkişafı üzrə Dövlət Proqramı" həyata keçiriləcək. Bu Proqram çərçivəsində, yeni iş yerlərinin açılması mənbəyi kimi, kiçik və orta sahibkarlığa hərtərəfli dəstək göstəriləcək. Gənclərin məşğulluq məsələləri sonuncu yerdə dayanmayacaq.

Neft gəlirləri  

Azərbaycan hökumətinin yeni neft strategiyası realizəsini tapacaq. Bu strategiyanın əsas məqsədi Azərbaycanın təbii sərvətlərini xalqın maraqlarına xidmət göstərilməsinə yönəldəcək. Neft gəlirlərinin hesabına hər bir ailənin həyatının yaxşılaşdırılması üzrə Dövlət Proqramı həyata keçiriləcək və Proqramın əsasına gəlirlərin hazırki və gələcək nəsillər arasında düzgün bölünməsi prinsipi qoyulacaq. Bu Dövlət Proqramında neft gəlirlərinin şəffaflığının təmin edilməsi müstəsna rol oynayacaq. Neft gəlirlərindən daha səmərəli istifadə və onların gələcək nəsillərə saxlanılması üçün yaradılmış Dövlət Neft Fondunun valyuta ehtiyatları bu gün 10 mlrd. ABŞ dollarını ötüb.

Qaz və elektroenergetika

Bu gün ölkə əhalisinin 80 faizdən çoxu - şəhərlər eləcə də  rayonlarda əksər yaşayış məntəqələri təbii qazla təmin edilib, gələcəkdə kənd və qəsəbələrin tam qazlaşdırılması üçün intensiv iş aparılıb. Qarşıdakı beş ildə bu sahədə əhalinin elektrik enerjisi və qaza olan tələbatının ödənilməsi üçün bütün rayon və kəndlərin qaz infrastrukturu yenidən qurulacaq, elektrik ötürücü xətləri, yarımstansiyaların yenilənməsi davam etdiriləcək və bütün respublika üzrə abunəçilərin elektrik və qaz sayğacları ilə təmin edilməsi başa çatdırılacaq.

Yoxsulluğun azaldılması

Əsas məqsədi Azərbaycan vətəndaşlarını layiqli həyat şəraiti ilə təmin etmək olan "2008 - 2015- ci illərdə yoxsulluğun azaldılması və Azərbaycanın davamlı inkişafı üzrə Dövlət Proqramı" vüsət alacaq. Qarşıdakı illərdə bu planda yeni iş yerlərinin açılması, əmək haqları, pensiyaların və bütün növ müavinətlərin məbləğinin yaşayış minimumu səviyyəsinədək artırılması üzrə iş davam etdiriləcək. Çoxuşaqlı ailələr, əlillərə dövlət qayğısı gücləndiriləcək, gənc ailələrə isə, mənzil almaq və ya ev tikintisi üçün uzunmüddətli güzəştli kreditlər veriləcək. Bu gün ölkədə yoxsulluğun səviyyəsi 16 faiz təşkil edir.

Qaçqın və məcburi köçkünlərə qayğı

Qarşıdakı illərdə qaçqın və məcburi köçkünlərin sosial problemlərinin həllinə dövlət yardımının həcmi artırılacaq: onlar yeni qəsəbələrdə kiçik emal müəssisələrinin yaradılması hesabına işlə təmin ediləcək; müvəqqəti yaşadıqları ərazilərdə torpaq sahələri ilə təmin edilmələri üçün əlavə tədbirlər görüləcək. Qaçqın və məcburi köçkünlərin məişət şəraitinin yaxşılaşdırılması üçün yeni mənzil və qəsəbələrin tikilməsi davam etdiriləcək. İndiyədək Dövlət Neft Fondunun təqdim etdiyi vəsaitlər hesabına, Azərbaycanda bütün çadır düşərgələri ləğv edilib, 18 mindən çox məcburi köçkün ailəsi 58 yeni qəsəbəyə köçürülüb və fərdi evlərlə təmin edilib. Onlara kənd təsərrüfatı işlərinin həyata keçirilməsi üçün əvəzsiz maliyyə yardımı göstərilib.

Gənclərin inkişafı

Gənc nəslin sağlam və hərtərəfli inkişafı cəmiyyətimizin əsas vəzifələrindən biridir. Gənclərin yaxşı təhsil almaları, onların vətənpərvərlik ruhunda tərbiyə edilmələri üçün 2005 - 2009 - cu illəri əhatə edən "Azərbaycan gənclərinin Dövlət Proqramı" həyata keçirilir. İnformasiya cəmiyyətinin tələblərinə cavab verən yüksək ixtisaslı mütəxəssislərin hazırlanması üçün "2007- 2015- ci illərdə Azərbaycan gənclərinin xarici ölkələrdə təhsil almaları üzrə Dövlət Proqramı" qəbul edilib. İdmanın  maddi - texniki bazasının inkişafı üçün müasir tələblərə cavab verən çox sayda Olimpiya Kompleksləri tikilir. Hazırda ölkəmizdə 14 Olimpiya -Idman Kompleksi fəaliyyət göstərir, 23 kompleksin tikintisi həyata keçirilir.

 Təhsil

Qarşıdakı beş ildə səhiyyə və təhsil sahələrində islahatlar davam etdiriləcək. Xəstəliklərin profilaktikası, bədən tərbiyəsi və idmanla məşğulluq hesabına, insanlarin sağlamlıqlarını qorumağa səy göstərmələri üçün şəraitin yaradılması nəzərdə tutulur. Ümumi orta təhsil sahəsində aparılan məqsədyönlü islahatlar sayəsində, ötən illərlə müqayisədə, 2008 - ci ildə ali təhsil məktəblərinə qəbul imtahanlarında məzunların göstəriciləri xeyli yaxşılaşıb: 600- dən çox bal toplamış abituriyentlərin sayı 1100 nəfərdən 1582 nəfərədək artıb. 2003 - 2008 - ci illərdə yeni məktəb tikintisi, mövcud məktəblərin əsaslı təmiri və onların müasir tədris avadanlığı ilə təmin edilməsi üzrə Dövlət Proqramları realizə edilib. 1400 yeni məktəb tikilib, 300 - dək məktəb əsaslı təmir edilib.

Xəbər lenti

Xəbər lenti