Azərbaycan, Bakı, 28 oktyabr/ Trend , müxbir Ü.İsmayılova/ "Azərbaycanın Mədəniyyət və Turizm Nazirliyi turizm xidmətləri üzrə tariflərin müəyyən edilməsi üçün Tarif Şurasına müraciət etməyə lüzum görmür", - deyə çərşənbə axşamı Azərbaycanın Əmək və Əhalinin Sosial Müdafiəsi Nazirliyi nəzdində Baş Məşğulluq İdarəsi ilə Mədəniyyət və Turizm Nazirilyi turizm sektorunun birgə təşkil etdiyi "Turizm sahəsində kadrların hazırlanması və onların işlə təmin edilməsi" mövzusunda "Dəyirmi masa" da MTN - nin turizm sektorunun rəhbəri Aydın İsmiyev bildirib.
Onun sözlərinə görə, Azərbaycanda turizm xidmətlərinə olan qiymətlər dünya ölkələrinə nisbətdə çox fərqli və bu sahədə göstərilən xidmətlərlə bağlı problem olsa da, bazarda qiymətlər bazar mexanizmləri əsasında müəyən edilir.
İsmiyevin fikrincə, Azərbaycanda otel biznesi inkişaf etdikcə qiymətləri dəyişmək olar.
"Qiymətlər həm qalxa, həm də enə bilər, lakin onların tənzimlənməsi mövcud deyil", - deyə İsmiyev bildirib.
Azərbaycan Dövlət Statistika Komitəsinin məlumatına gbrə, ilin birinci yarısında 2007-ci ilin analoji dövr göstəricilərinə nisbətdə 10,8 faiz - 79 mln. manatadək artım müşahidə olunub.
Məqalə müəllifi ilə əlaqə ünvanı - [email protected]