Azərbaycan, Bakı, 30 oktyabr/ Trend , müxbir A.Bədəlova/ Dünya maliyyə sisteminin sağlamlaşdırılması üçün görülən tədbirlər diqqət mərkəzində qalmaqda davam edir. Qərb ekspertləri "20-lər qrupu"nun Vaşinqtonda keçiriləcək və sənayecə inkişaf etmiş dövlətlərin nümayəndələrini toplayacaq qarşıdakı böhran əleyhinə sammitə şübhə ilə yanaşırlar. Onların rəyinə görə, sammitdə qəbul edilən qərarlar arzuolunan nəticələr gətirə bilməz.
Paris-Dofin Universitetinin iqtisadiyyat professoru, "Mon Pelerin" Cəmiyyətinin keçmiş prezidenti Paskal Salin də (Pascal Salin) sammitdə böhran əleyhinə tədbirlərin qəbulundan ehtiyat edir.
"Mən hesab edirəm və hətta qorxuram ki, sammitdə bəzi tədbirlər görüləcək", - Salin cümə axşamı elektron poçtla Trend -a bildirib.
O güman edir ki, siyasətçilər problemi həll etmək vəziyyətində olmaları barədə təsəvvür yaratmaq istəyirlər. Və onlar görüşlərini doğrultmaq üçün qərar qəbul etməli olacaqlar.
"Bundan əlavə, belə görüşlərdə daim danışıqlar aparılır və qərara qarşı çıxan yekunda həm geosiyasi səbəblərlə əlaqədar, həm də əvəzində nə isə bir şey almaq məqsədilə onunla razılaşır", - Fransa universitetinin iqtisadiyyat professoru bildirib.
"Dünya maliyyə sistemində islahatların aparılması üzrə səmərəli və kompleks tədbirlər haqqında danışıqlar yalnız dövlətlərin əslində nə etmək barədə təsəvvürlərinin olmadığından xəbər verir", - Salin bildirib.
Onun rəyinə görə, həyata keçirilə biləcək islahatlar, məsələn, sekyuritizasiyanın məhdudlaşdırılması və rəhbərlər üçün güzəştlərə yönəldiləcək.
"Lakin bu tədbrilərin bahalı maliyyə innovasiyalarını və kapitalın səmərəli bölünməsini əngəlləyəcəkləri riski var", - Salin bildirib.
Salinin sözlərinə görə, bu tədbirlər pul-kredit siyasəti və faiz dərəcələrində qeyri-sabitliyin aradan qaldırılmasından ibarət olan vacib problemi həll etməyəcək. Ukrayna-Aİ Biznes Şurasının təsisçisi-direktoru Ceyms Uilson hesab edir ki, sammitin nəticəsini və səmərəliliyini əvvəlcədən demək mümkün deyil. "Bizim bir sıra borclarımız var və bu borclar kimsə tərəfindən qəbul edilməlidir. Uduzanlar olmalıdır", - Uilson cümə axşamı elektron poçtla Trend -a bildirib.
Onun rəyinə göröə, sammit itkiləri necə bölmək və bankların bir-birinə yenidən kredit vermələri üçün onların arasındakı etibarı necə bərpa etmək məsələsində kompromis uğrunda sərt mübarizədə keçəcək.
Kaliforniyanın East Bay Dövlət Universitetinin iqtisadiyyat professoru Ceyms Ahiakpor (James Ahiakpor) hesab edir ki, sammitdə dünya maliyyə mexanizmlərinin nəzərdən keçirilməsi üçün BVF və DB-nin yaradılmasına gətirən Bretton-Vuds görüşünü "təqlid" etməyə cəhd göstərilə bilər.
Bretton-Vuds sistemi 1944 - cü ildə BMT-nin, 44 ölkənin iştirak etdiyi Bretton-Vuds şəhərində (ABŞ) keçirilən konfransında qəbul edilib. Konfransda qarşıdakı 30 ildə dünya iqtisadiyyatının inkişafını müəyyənləşdirən yeni maliyyə sistemi formatı yaradılıb. Sistemin əsaslarından biri dünya valyutalarının təsbit edilmiş mübadilə məzənnələrinin olmasıdır.
Müəlliflə əlaqə saxlamaq üçün elektron ünvan: [email protected]