Azərbaycan, Bakı, 18 dekabr/ Trend , müxbirlər İ.Əlizadə, İ.Xəlilova/ Azərbaycan Konstitusiyasına dəyişikliklər edilməsi üçün parlamentin Hüquqi siyasət və dövlət quruculuğu daimi komissiyasının hazırladığı sənədə əsasən, ölkənin Milli Bankının adı Mərkəzi Banka dəyişdiriləcək.
Bu barədə cümə axşamı Konstitusiyaya dəyişikliklərin müzakirəsi üzrə iclasda komissiyanın sədri Əli Hüseynov məlumat verib. Dünya təcrübəsində bank sistemindəki bütün nəzarət orqanları Mərkəzi banklar adlanır.
Milli Bank 11 fevral 1992-ci il tarixli prezident fərmanı əsasında keçmiş SSRİ-nin Dövlət Bankı, Sənaye-Tikinti Bankı və Aqrar-sənaye Banklarının bazasında yaradılıb.
Ötən il, "Azərbaycan Milli Bankı haqqında" Qanuna dəyişikliklərlə müvafiq olaraq, AMB-nin funksiyaları genişlənib və işçilərinin əmək haqlarının ödənilməsi sisteminin formalaşdırılmasında müstəqillik alıb. "AMB haqqında" Qanuna əsasən, Milli Bank rəhbərliyinin vəzifə maaşı ölkə prezidenti tərəfindən müəyyən olunur və bunun əsasında İdarə Heyəti qalan əməkdaşlar üçün əmək haqlarını müəyyən edir.
Dünya təcrübəsini nəzərə almaqla, Mərkəzi Banklara müstəqillik və əmək haqlarının ödənilməsində şəffaflıq təqdim edilib. Beynəlxalq Valyuta Fondu və Dünya Bankının ekspertləri də AMB-nin suverenlik baxımından geri qaldığını təsdiqləyiblər. Bunun əsas elementi əmək haqqı sistemində müstəqilliyin olmamasıdır.
Dünya təcrübəsində belə yanaşma (Mərkəzi Bankda əmək haqqının müstəqil müəyyən edilməsi) əksər ölkələrdə, o cümlədən Litva, Ukrayna, Latviyada tətbiq olunur.
Müəlliflə əlaqə saxlamaq üçün elektron ünvan: [email protected]
