Azərbaycan, Bakı, 18 dekabr/ Trend , müxbir E.İsmayılov/ Azərbaycanın Dövlət Əmlakının İdarə Edilməsi üzrə Dövlət Komitəsi "Çiçəkli" kiçik su - elektrik stansiyasının səhmlərinin 94,33 faizinin satışına dair sərmayə müsabiqəsinin qalibini müəyyən edib. Qalib xarici İnter Enerji MMC olub, - Dövlət Komitəsindən cümə axşamı bildiriblər. Dövlət Komitəsindən şirkətin qeydiyyatdan keçdiyi ölkəni dəqiqləşdirməyiblər.
MMC-nin sərmayə proqramına əsasən, elektrik stansiyasının yenidən qurulmasına 4,28 mln. manat ayrılacaq. Yatırımlar elektrik stansiyasının işinin bərpasına, əsaslı təmir və stansiyaya su verən kanalların, müxtəlif hidrotexniki avadanlığın, su - elektrik stansiyasının su qəbulu qurğularının derivasiya kanallarının yenidən qurulmasına sərf olunacaq. Vəsaitlər elektrik avadanlığının alınması, quraşdırılması və sazlanmasına və hidroturbinin idarə edilməsi üçün avandalığın alınmasına ünvanlanacaq. Sərmayə proqramının realizəsi nəticəsində, elektrik stansiyası 2,76 MVt-yə bərabər əvvəlki gücünü saxlayacaq.
Sərmayədar Azərbaycanın Dövlət Komitəsinə 100 min manat ödəməyi və dörd min özəlləşdirmə çeki və bir o qədər də opsionları, hesabdan silinməsi üçün Dövlət Komitəsinə təqdim etməyi öhdəsinə götürüb.
Bu günə mövcud doqquz kiçik su - elektik stansiyasından beşinin özəlləşdirilməsi başa çatdırılıb. Artıq Şəki, Muğan, Quba, Nügədi və Qusar SES özəlləşdirilib. "Çiçəkli", "Zeyxur", "Balakən" və "Çinarlı" su - elektrik stansiyalar dövlətin mülkiyyətində qalıb.
2008 - ci il sentyabrın 1-nə olan məlumata əsasən, "Çiçəkli" SES-in Nizamnamə kapitalı 55368 manat təşkil edir. Kompleks istiqamətli və derivasiya tipli bu elektrik stansiyası 1928-ci ildə istismara verilib. Su stansiyaya Gəncəçaydan daxil olur. SES-in illik layihə gücü 2760 kVt-ya bərabərdir. Stansiyanın ştatı doqquz əməkdaşdan ibarətdir. Sentyabrın 1-nə SES-in öhdəlikləri 4276 manat təşkil edib. Bu, əmək haqqı və ona bərabər tutulan borclarla əlaqədar yaranıb. Müəssisənin debitor borcları yoxdur.
Dekabrın 18 - nə olan cari mübadilə məzənnəsi -- 0,8008 AZN/USD.
Müəlliflə əlaqə saxlamaq üçün elektron ünvan: [email protected]
