Azərbaycan, Bakı, 15 yanvar/ Trend , müxbir Ü.İsmayılova/ Dekabrda Bakıda avtomobilin orta qiyməti noyabra nisbətən 7 faiz ucuzlaşıb - 18,25 min dollaradək. Bu, dünya maliyyə böhranının təsiri altında baş verir, - "Əmlak Bazarı İştirakçıları" İctimai Birliyindən cümə axşamı bildiriblər.
Qiymətlərin azalması sentyabrdan başlayıb - o zaman orta qiymət 21 min dollar təşkil edirdi.
"Dekabrda avtomobillərin ekspozisiya müddəti beş gün - 75 günədək artıb ki, bu da riskin artmasına və əmlakın likvidliyinin azalmasına gətirir", - birlikdən qeyd ediblər.
Dekabrda Bakının avtomobil bazarında nisbi fəallıq müşahidə olunub ki, bu da mövsümi dövrlə bağlıdır. Ötən ay bazarda təkliflər 1,4 faiz artıb.
Təkliflərin artmasına bazara yeni avtomobillərin daxil olması, eləcə də sahiblərin əldə olan maşınları başa çatmaqda olan ildə satmaq istəkləri səbəb olub.
Təkliflər xeyli artsa da, bazarda tələbat artmayıb. Dekabrda bazarın canlanması maşınların alqı - satqısı üzrə bağlanılan sazişlərin sayının artmasına da gətirib - 0,4 faiz.
Müəlliflə əlaqə saxlamaq üçün elektron ünvan: [email protected]
