Azərbaycan, Bakı, 22 yanvar / Trend , müxbir S.Babayeva/ 2008 - ci ildə Azərbaycanda pambıq istehsalı 2007 - ci illə müqayisədə 44,7 faiz azalaraq, 55,4 min ton təşkil edib.
"Buna səbəb, 2007-ci illə müqayisədə, əkin sahələrinin 27,1 min hektar azalmasıdır", - Dövlət Statistika Komitəsindən məlumat verilib.
"Son zamanlar ölkədə pambıqçılığa maraq azaldığından, bu sahənin inkişafı avqustda qəbul edilmiş "Azərbaycan əhalisinin 2008 - 2015- ci illərdə ərzaq məhsulları ilə etibarlı təminatı üzrə Dövlət Proqramı"na daxil edilib", - bir müddət əvvəl kənd təsərrüfatı naziri İsmət Abbasov deyib.
Azərbaycanda pambıq ölkənin 21 rayonu, əsasən, Salyan - Muğan, Qarabağ və Şirvan iqtisadi rayonlarında becərilir.
Məqalə müəllifi ilə əlaqə ünvanı: [email protected]
