Gürcüstan, Tbilisi, 06 fevral / Trend , müxbir N.Kirtsxaliya/ "Beynəlxalq Valyuta Fondu (BVF) Gürcüstandakı yeni daimi nümayəndəsi kimi Eduard Qardneri təyin edib", - cümə günü bu maliyyə institunun Tbilisi nümayəndəliyindən məlumat verilib.
"O işinə martın 15-dən başlayacaq", - nümayəndəlikdən qeyd olunub.
Hazırda Eduard Qardner fondun Livandakı daimi nümayəndəsidir.
Gürcüstanda daimi nümayəndə vəzifəsi 2008-ci ilin yayında ləğv olunub. Ancaq yeni layihənin başlanması ilə əlaqədar olaraq BVF-nin daimi nümayəndəliyi martın 15-dən etibarən bərpa olunacaq.
Qardner Gürcüstana Valyuta fondunun missiyası ilə birlikdə gəlib. O, hökümət, parlament və vətəndaş cəmiyyəti nümayəndələri ilə görüşlər keçirir.
Məqalə müəllifi ilə əlaqə ünvanı: [email protected]