Azərbaycan, Bakı, 23 fevral / Trend , müxbir N.İsmayılova/ "Fevralın 20-də Azərbaycan Respublikası Qiymətli Kağızlar üzrə Dovlət Komitəsi (QKDK) ilə Azərbaycan Bank Tədris Mərkəzi arasında strateji tərəfdaşlığa dair Əməkdaşlıq Sazişi imzalanıb", - komitənin məlumatında deyilir.
Sazişin əsas məqsədi Azərbaycanda qiymətli kağızlar bazarının inkişafının dəstəklənməsi istiqamətində birgə təlim-tədris proqramlarının, maarifləndirmə tədbirlərinin, məsləhət xidmətlərinin, tədqiqat və araşdırmaların həyata kecirilməsindən ibarətdir.
Saziş cərcivəsində tədris və maarifləndirmə istiqamətində QKDK-nin əməkdaşlarının və qiymətli kağızlar bazarının iştirakçılarının bilik və bacarıqlarının artırılması uzrə tədris proqramlarının, səhmdar cəmiyyətlərində korporativ idarəetmə sistemlərinin tətbiqini stimullaşdıran təşviqedici tədbirlərin, vətəndaşların və potensial investorların qiymətli kağızlar bazarı və onun alətləri barədə maarifləndirmə tədbirlərinin, həmcinin bu istiqamətdə birgə forumların, konfransların, seminarların və "dəyirmi masa"ların təşkil edilməsi planlaşdırılır.
Məqalə müəllifi ilə əlaqə ünvanı: [email protected]
