Azərbaycan, Bakı, 27 fevral / Trend , müxbir S.Babayeva /
"Apreldən başlayaraq Azərbaycana idxal olunan taxıla ƏDV tətbiq olunacaq (ƏDV - 18 faizdir)", - cümə günü kənd təsərrüfatı naziri İsmət Abbasov deyib.
"Bu (hökumətin ƏDV-nin götürülməsi haqda) qərarın fəaliyyətini dayandırmaq vaxtı çatıb. Bununla yanaşı, artıq bu qərarın fəaliyyət müddəti bitməkdədir", - Abbasov qeyd edib.
Onun sözlərinə görə, Azərbaycana idxal olunan taxıla ƏDV-nin tətbiq olunması barədə qərar bu məhsulun yerli istehsalçılarına böyük stimul verəcək.
"2008-ci ildə taxıl istehsalı 500 min ton artırılıb", - nazir bildirib. Bu il əlavə 800 min hektar əkin sahəsi səviyyəsində artım gözlənilir ki, bu da 2,1 milyon ton həcmində məhsul artımı deməkdir.
Abbasov hesab edir ki, qarşıdakı illərdə Azərbaycan ərzaq taxılına olan tələbatını tamamilə öz daxili istehsalı hesabına ödəyəcək.
Məqalə müəllifi ilə əlaqə ünvanı: [email protected]