Azərbaycan, Bakı, 06 mart / Trend , müxbir Ü.İsmayılova /
"İspaniyada Azərbaycanın sərmayə imkanlarının prezentasiyası keçirilib", - Azərbaycan-Türkiyə İş Adamları Birliyinin (ATİB) cümə günü yayılan məlumatında deyilir.
İspaniya İş Təklifediciləri və Sahibkarları Konfederasiyası (CEOE) və Xəzər və Qara Dəniz Ölkələrinin İş Adamları Birliyinin Konfederasiyası (UBCCE) tərəfindən təşkil olunan Madriddə keçən tədbirin gedişində İspaniyanin dövlət və iş dairələrinin 75 nümayəndəsi iştirak edib.
Azərbaycan tərəfindən tədbirdə AR-nın İspaniyadakı səfiri Məmməd Əliyev, İspaniya tərəfdən XİN, İnfrastruktur, Sənaye, Turizm və Kommersiya nazirliklərinin nümayəndələri, Gürcüstan tərəfindən isə bu ölkənin İspaniyadakı səfiri, Baş nazir və başqaları iştirak edib.
Tədbirin gedişində Türkiyə, Gürcüstan, Ukrayna və Rusiyanın nümayəndələri ispaniyalı sahibkarlar üçün öz ölkələrinin sərmayə imkanlarının prezentasiyasını keçirib.
Tədbirin yekunlarına əsasən CEOE və UBCCE arasında əməkdaşlıq haqqında memorandum imzalanıb.
Məqalə müəllifi ilə əlaqə ünvanı: [email protected]
