...

Gürcüstanın Maliyyə Nazirliyində biznes-forum yaradılacaq

Biznes və iqtisadiyyat xəbərləri Materials 24 Mart 2009 15:53 (UTC +04:00)

Gürcüstan, Tbilisi, 24 mart / Trend , müxbir N.Kirtsxaliya /

Gürcüstanın Maliyə Nazirliyində biznes-forum yaradılacaq. Sözügedən təşəbbüslə biznes-asssosiasiya nümayəndələrini maliyyə naziri Kaxa Bainduraşvili tanış edib.

Onun sözlərinə əsasən, biznes-sektorla hökumət arasında ölkənin qlobal maliyyə böhranından minimum itkilərlə çıxması və ötən illərdə olan iqtisadi artımı davam etdirmək istiqamətində kortəbii deyil, məhz məqsədyönlü əlaqələrin yaranması üçün forum yaxşı vasitədir.

"Biznes-forumun əhəmiyyəti nəzərdən keçiriləcək problemlərlə şərtləndirilib. Forum hökumətlə biznes-sektor arasında informasiya mübadiləsi məkanı olacaq. Hər ay görüşlər təşkil edərək bütün problemləri tematik müzakirə edəcəyik", - Bainduraşvili deyib.

"Maliyyə Nazirliyinin təşəbbüsü çox vacibdir. Biznes-sektorun hökumətlə münasibətləri olduqca çətinləşib. Yaxşı olardı ki, Maliyə Nazirliyindən digər hökumət idarələri də nümunə götürsünlər", - Gürcüstanın ticarət-sənaye palatasının sədri Şota Makatsariya deyib.

Nazirin sözlərinə görə, biznes-forum çərçivəsində ilk görüş aprelin 15-də keçiriləcək. Onun fikrincə, forumda Gürcüstanda fəaliyyət göstərən 20-30 biznes-assosiasiyası iştirak edəcək.

Məqalə müəllifi ilə əlaqə ünvanı: [email protected]

Xəbər lenti

Xəbər lenti