Azərbaycanda istehlakçı hüquqlarının pozulması üzrə növbəti fakt aşkarlanıb

Azərbaycan, Bakı, 27 iyul / Trend , müxbir Ü.İsmayılova /

Azərbaycan İqtisadi İnkişaf Nazirliyi yanında İstehlak Bazarına Nəzarət üzrə Dövlət Xidməti növbəti monitorinqlər zamanı 100 kiloqrama qədər istifadə müddəti ötmüş ərzaq məhsulları aşkarlayıb, satışdan çıxararaq məhv edib. Bu barədə bazar ertəsi nazirlikdən verilən məlumatda deyilir.

Monitorinqlər Bakının Nəsimi, Nərimanov, Xətai rayonlarında keçirilib.

Bu rayonların mağazalarından vaxtı ötmüş məhsullar - kolbasa və qənnadı məmulatları, süd və süd məhsulları, mayonez, bitki yağları, pivə və s. müsadirə olunub.

İstehlakçıların hüquqlarını pozan bir hüquqi və beş fiziki şəxs barəsində inzibatə hüquq pozuntuları barəsində protokol tərtib olunub.

Mayın 17-də Azərbaycan Prezidentinin "İnzibati Xətalar Məcəlləsinə əlavə və dəyişikliklər ediməsi barədə" fərmanından sonra 37 hüquqi şəxsə 144,5 min manat, 217 fiziki şəxsə 326 min manat cərimə tətbiq olunub.

Monitorinqlər davam etdirilir.

İyulun 27-nə olan rəsmi məzənnə 0,8041 AZN/USD təşkil edir.

Məqalə müəllifi ilə əlaqə ünvanı: [email protected]