Azərbaycan, Bakı, 18 avqust / Trend , müxbir Ü.İsmayılova /
Azərbaycanda "donuz qripi"nə iki yoluxma faktı ölkəyə turist axınına heç bir təsir göstərməyib. Bu barədə çərşənbə axşamı Mədəniyyət və Turizm Nazirliyinin turizm şöbəsinin müdiri Aydın İsmiyev deyib.
"Turistlər bu faktlara baxmayaraq, Azərbaycana gəlməkdə və ölkədən getməkdə davam edirlər, - İsmiyev deyib. - Azərbaycanlı turistlər də Səhiyyə Nazirliyinin tövsiyələrinə baxmayaraq, yaya planlaşdırılmış səfərlərini həyata keçirirlər".
İyulun 20-də Azərbaycanda ilk dəfə A/H1N1 virusuna ("donuz qripi") yoluxma faktı aşkarlanıb. Azərbaycan Səhiyyə Nazirliyinin məlumatına görə, yoluxma faktı Bakı və Gəncə sakinlərində - iyulun 27-də Fransadan və iyulun 29-da Böyük Britaniyadan qayıdan şəxslərdə aşkarlanıb. Hər iki xəstə artıq sağalıb.
Məqalə müəllifi ilə əlaqə ünvanı: [email protected]
