Azərbaycan, Bakı, 29 avqust / Trend /
İlin birinci yarısında Gürcüstanın nəqliyyat sistemi ilə 19,4 milyon ton yük daşınıb. 2008-ci ilin birinci yarısında bu rəqəm 22,5 milyon ton olub. Bu barədə Gürcüstan hökumətinin məlumatında deyilir.
Məlumata görə, ilin birinci yarısında dəmir yolu ilə 2008-ci ildəki 10,9 milyon tona qarşı 7,7 milyon ton yük daşınıb. Dəmir yolu ilə daşınan yüklərin ümumi həcmindən 4,5 milyon ton maye yüklərin payına düşür (2008-ci ilin birinci yarısında 5,1 milyon ton).
İlin birinci yarısında avtomobil nəqliyyatı ilə 11,7 milyon ton yük daşınıb. Ötən ilin müvafiq dövründə bu göstərici 11,6 milyon ton olub.
Dəmir yolu ilə sərnişin daşımanın həcmi bu ilin ilk altı ayında 1,4 milyon nəfər olub. Ötən ilin anoloji dövründə isə göstərici 1,7 milyon nəfər təşkil edib. Avtomobil nəqliyyatı ilə sərnişindaşıma 2008-ci ilin birinci yarısındakı 125,3 milyona qarşı 128,7 milyon nəfər olub. Avianəqliyyatla 315 min nəfər daşınıb. Ötən ili eyni dövründə isə bu göstərici 383 min nəfər olub.
Məqalə müəllifi ilə əlaqə ünvanı: [email protected]
