Azərbaycan, Bakı, 04 sentyabr / Trend , müxbir Ü.İsmayılova /
Azərbaycan dövlət sığorta şirkəti "AzərSığorta" hökumətə ölkənin aqrar-sənaye kompleksinin sığortası üçün əlavə vəsaitin verilməsi barədə təkliflə müraciət edib. Bu barədə cümə günü şirkətin sədri Məmməd Məmmədoiv məlumat verib.
"Verilmiş təklif kənd təsərrüfatında sığorta risklərinin yüz faizlik ödənilməsini nəzərdə tutur", - Məmmədov deyib.
Onun sözlərinə görə, təklifin işlənməsinə ehtiyac fermerlərin əksəriyyətinin, özlərinin izah etdiyi kimi, əlavə vəsaitin olmamasından təsərrüfatlarını sığortalamamaları ilə bağlıdır.
"Kənd təsərrüfatında risklərin 100 faizlik ödənilməsi məsələsinin parlamentin payız sessiyasında müzakirəyə çıxarılacağı istisna deyil", - Məmmədov deyib.
2007-ci ilin yayında təsdiq edilmiş Azərbaycanda kənd təsərrüfatının inkişafı haqqında qanuna edilmiş əlavələrə əsasən, kənd təsərrüfatı sığortasında dövlət tərəfindən mükafatların maliyyələşdirilməsi 25 faizdən 50 faizə qaldırılıb. Dövlət büdcəsi hesabına sığortalanan kənd təsərrüfatı bitkilərinin siyahısına buğda, arpa, qarğıdalı, günəbaxan, kartof, şəkər çuğunduru və tərəvəzlər (göyərtidən başqa) daxildir.
Məqalə müəllifi ilə əlaqə ünvanı: [email protected]