Azərbaycan, Bakı, 14 sentyabr / Trend /
Rusiyanın "Krasnoye Sormovo" gəmiqayırma zavodunda Azərbaycan Dövlət Xəzər Dəniz Gəmiçiliyi üçün inşa edimiş "Shusha" tankerinin müvavilə vaxtından əvvəl təhvil verilməsi təşkil edilib. Müqavilə şərtlərinə görə, təhvil verilmə müddəti 2009-cu ilin sonuna nəzərdə tutulmuşdu. Bu barədə müəssisədən verilən məlumatda deyilir.
Bu "Krasnoye Sormovo" zavodunda Xəzər üçün inşa edilmiş yeddinci 13 minlik tankerdir. Gəmiçilik üçün ilk 13 minlik tanker 2004-cü ildə inşa edilib. Bundan sonra bu gəmi bütün texniki iqtisadi göstəricilər üzrə təkmilləşdirilib.
Həmin gün sifarişçiyə - milli dəniz gəmiçiliyi şirkəti "Qazmortransflot"-a müqaviləsi bağlanmış üç tankerdən biri - "Atırau" təhvil verilib. Müqaviləyə uyğun olaraq, Rusiya gəmiqayırma şirkəti "Qazmortransflort" üçün 13 min tonluq üç neftdaşıma tankeri inşa edəcək. Müqavilənin ümumi dəyəri 66 milyon dollar təşkil edir.
Həmçinin "Türkməndənizyolları" milli dövlət idarəsi üçün suya "Xazar" tankeri buraxılıb. Müqaviləyə uyğun olaraq, Türkmənistan üçün yeddi min tonluq iki gəmi də inşa ediləcək. Müqavilənin dəyəri 31 milyon dollardır.
Azərbaycan Dövlət Xəzər Dəniz Gəmiçiliyi iri gəmi sahibkarıdır. Əsas fəaliyyət istiqamətləri - neft və neft məhsulları yüklərinin daşınması. Üzmə rayonları - Xəzər dənizi, Qara dəniz, Aralıq dənizi, Mərmərə dənizi. Xəzər Dənizi Gəmiçiliyinin gəmiləri Qara dəniz və Azov hövzəsində işləyən gəmilərin yüklərini Avropaya, Yaxın Şərqə və Şimali Afrikaya çatdırırlar.
Qazaxıstanın "Qazmortransflot" şirkəti milli dəniz operatorudur və 1998-ci ildə yaradılıb. Əsas fəaliyyət sahələri - bütün növ yüklərin, o cümlədən neft və neft məhsullarının, əsas yüklərin, konteynerlərin daşınması, inşaat, istismar, bütün növ gəmilərin emalı, həmçinin onların icarəyə verilməsi və gəmilərin lizinqi.
"Türkməndənizdəryayolları" Türkmənistanın milli dəniz və çay yolları idarəsidir. Xüsusi dəniz ticarət donanmasının yaradılması prosesində əsas məsələ Xəzərdə olmaqdır. Yeni donanmanın ilk iritonlu gəmisi Türkmənbaşı limanında olan "Krasnoye Sormovo" zavodunda inşa edilən 7 min tonluq "Sumbar" gəmisidir.
