Azərbaycan, Bakı, 17 sentyabr / Trend , müxbir N.İsmayılova /
Avropa İttifaqının Azərbaycandakı Texniki Yardım Proqramları üzrə Milli Koordinasiya Bürosu və Dövlət Antiinhisarçılıq Xidməti Aİ və Azərbaycan arasında əməkdaşlıq və tərəfdaşlığa dair müqavilənin həyata keçirilməsinə yardım layihəsi ilə birgə sentyabrın 17-də "Kartellərin tədqiqatlarında Azərbaycan və Avropa təcrübəsi" mövzusunda seminar keçirib, bu barədə məlumat cümə axşamı bürodan verilib.
Seminarda büronun nümayəndələri, Azərbaycanın İqtisadi İnkişaf, Ədliyyə, Nəqliyyat nazirlikləri, parlament, Britaniya Şurasının nümayəndələri iştirak ediblər.
Seminar Avropa və Azərbaycanın kartellərin tədqiqatı, antiinhisarçılıq orqanları və hüquq tətbiqetmə fəaliyyəti orqanları arasında əməkdaşlıq alətləri, həmçinin buna dair son hadisələrin müzakirəsinə yönəlib.
Məqalə müəllifi ilə əlaqə ünvanı: [email protected]
