Azərbaycan, Bakı, 07 oktyabr / Trend , müxbir İ.Xəlilova/
Nazirlər Kabinetinin Qaçqın və məcburi köçkünlərin miqrasiya problemləri və beynəlxalq əlaqələrlə iş üzrə şöbəsinin müdir müavini Məmməd Məhərrəmov çərşənbə günü deyib ki, 2009-cu il yanvarın 1-dən Azərbaycanda fəaliyyət göstərən qeyri-bank kredit təşkilatları (QBKT) kommersiya fəaliyyətinə keçirlər və bununla əlaqədar olaraq vergiyə cəlb olunublar.
O deyib ki, bu təşkilatlar hətta 2006-cı ildən Azərbaycan hökumətini xəbərdar etmədən öz fəaliyyətlərini humanitar sahədən kommersiya sahəsinə keçiriblər, bununla belə vergiləri ödəməkdən imtina edirlər. "Bu kredit təşkilatları hələ 2006-cı ildən vergi ödəməli idilər", - Məhərrəmov belə deyib.
Onun sözlərinə görə, bu günə CredAgro statusunun dəyişdirilməsilə əlaqədar olaraq hökuməti xəbərdar edən və vergi ödəyən yeganə təşkilatdır. Norveçin qeyri-bank təşkilatı Viator Mikrokredit də vergi ödənişlərinə başlayıb.
Amma 2006-cı ildən fəaliyyət göstərən NORMIKRO, TBC Kredit kimi təşkilatlar vergi ödəmədən kommersiya fəaliyyətilə məşğuldurlar.
O deyib ki, hazırda TBC Kredit öz fəaliyyətini müəyyənləşdirir və vergi ödəməyi öhdəsinə götürüb.
Bu gün ölkədə beynəlxalq humanitar təşkilatlar tərəfindən yaradılan 14 QBKT və cəmi 19 qeyri-bank təşkilatı (o cümlədən AgrarCredit) fəaliyyət göstərir.
Onun sözlərinə görə, 2009-cu ildən bütün QBKT vergiyə cəlb olunmalı və sosial sığortaya vəsait ödəməli idi.
İlk olaraq, beynəlxalq humanitar təşkilatlar tərəfindən yaradılan QBKT 2002-ci ildən humanitar təşkilatlar reyesterində qeyd edilib ki, bu da onlara vergi ödənişlərində güzəştlər və məcburi sosial sığortanın üstünlüklərindın istifadə etmək üçün imkan yaradırdı. Amma onların hamısı artıq kommersiya fəaliyyətinə başlayıb və hətta beynəlxalq təşkilatlardan kreditlər də cəlb edirlər. Bu zaman onlar Ədliyyə Nazirliyində qeydiyyatdan çıxarılıb, Maliyyə Nazirliyində kommersiya təşkilatı kimi qeydiyyata salınıblar.
Vergilər Nazirliyindın verilən məlumata görə, parlamentdə ikinci oxunuşda olan "Qeyri-bank təşkilatları haqqında" qanun qüvvəyə mindikdən sonra bütün problemlər həll olunacaq. Belə ki, status müəyyən olunacaq. Onlar Vergi Məcəlləsində qeyd olunduğu kimi, vergi güzəştlərindən istifadə edən humanitar təşkilatlara və ya QBKT kommersiya təşkilatı kimi əldə etdikləri gəlirlərdən vergi ödəyən təşkilatlara ayrılacaqlar.
Mənbənin verdiyi məlumata görə, onlar həmçinin banklar üçün nəzərdə tutulan güzəştlərdən istifadə edən kredit təşkilatları kimi də fəaliyyət göstərə bilərlər. Bu gün kapital qoyuluşuna yönəldilən bank gəlirləri üç il müddətinə vergilərdən azad olunub. Bundan başqa, bankın maliyyə xidmətləri də ƏDV ödəməkdən azaddırlar və banklar gəlir vergisi ödəyənə qədər əldə etdikləri gəlirlər hesabına ehtiyat yarada bilərlər.
Azərbaycanda 31 mikromaliyyə təşkilatı fəaliyyət göstərir. Onlardan 19-u qeyri-bank kredit təşkilatıdır, qalanları isə mikromaliyyə ilə məşğuldurlar. Avqustun 31-nə mikromaliyyə təşkilatlarının aktivləri 3.4 milyard dollar, kredit portfeli isə 641.8 milyon dollar təşkil edir.
Məqalə müəllifi ilə əlaqə ünvanı: [email protected]