Bakı, Azərbaycan, 16 oktyabr /Trend capital, müxbir Ü.İsmayılova/
Azərbaycan Sığortaçılar Assosiasiyasının (ASA) 2010-cu ildə fəaliyyətinin prioritet vəzifələrindən biri II Azərbaycan Beynəlxalq Sığorta Forumunun keçirilməsi olacaq, bu barədə ASA-nın İdarə Heyətinin və Atəşgah SŞ-nin İdarə Heyətinin sədri Azər Əliyev bildirib.
"Növbəti ildə ikinci forumun keçirilməsi şansı böyükdür", - Əliyev bildirib.
Onun sözlərinə əsasən, cari ildə ASA qlobal maliyyə böhranı səbəbindən vəd edilmiş forumu keçirə bilməyib.
"Növbəti ildə biz bu ənənəni davam etdirməyə çalışacağıq", - Əliyev qeyd edib.
Azərbaycan Sığortaçılar Assosiasiyasının Müşahidə Şurasına Azərbaycanın beş sığorta şirkəti daxildir (MBASK, Standard Insurance, Beynəlxalq Sığorta şirkəti, Azersigorta, Ateshgah). Müşahidə Şurasının hər beş üzvündən biri nizamnaməyə əsasən, ardıcıl olaraq bir il müddətinə Assosiasiyaya sədrlik edir.
Azərbaycan Sığortaçılar Assosiasiyası 2006-cı ilin dekabrında təsis edilib.
Azərbaycanda 28 sığorta və bir təkrar sığorta şirkəti fəaliyyət göstərir. Onların hər biri ASA-nın üzvüdür.
Məqalə müəllifi ilə əlaqə ünvanı: [email protected]
