Azərbaycan, Bakı, 26 oktyabr / Trend , müxbir Ü.İsmayılova/
Azərbaycan Dövlət Arxitektura və Şəhərsalma Komitəsinin tender komissiyası Böyük Bakının regional inkişafı layihəsinin "əsas planı"nı işləyib hazırlayıb, bu barədə bazar ertəsi Komitənin informasiya və beynəlxalq əlaqələr şöbəsinin müdiri Cahangir Qocayev məlumat verib.
"Dövlət Komitəsi "əsas planı" Baş planın yaranmasında maraqlı olan bütün dövlət qurumlarına təqdim etməyə hazırdır", - Qocayev bildirib.
Onun sözlərinə əsasən, "əsas plan" Bakının hazırkı vəziyyəti üzrə plandır.
Azərbaycan Dövlət Şəhərsalma və Arxitektura Komitəsi "Böyük Bakının regional inkişaf planı"nın hazırlanması üzrə tender elan edib. Hazırda tender təklifləri Baş planın hazırlanmasına dəstək göstərəcək Dünya Bankının mütəxəssisləri tərəfindən nəzərdən keçirilir.
Tenderdə iştirak üçün dünyanın 21 ölkəsinin 34 şirkətindən ərazilər qəbul olunub, onlardan tenderə altı qrup şirkət buraxılıb:
AS&P Albert Speer & Partners GmbH (Almaniya)
Moshe Zur Architects Town Planners Ltd., Marmanet organization & Projects, Management International Ltd.,Geoda Geographical Data, Landed Property, Mapping and Surveying Ltd. (İsrail)
EDAW, AECOM (ABŞ)
HOK (Hellmuth, Obata and Kassabaum) Inc., Development Planning Unit, (İngiltərə), Shaw Consultants International (ABŞ), Scott Wilson (Az. Office) (İngiltərə)
GHK Consulting (İngiltərə), Hansen Partnership (Avstraliya), Synergetics Ltd. (Azərbaycan
Urban Solutions (Hollandiya), Hansen Partnership (Avstraliya), Bakı Dövlət Layihə İnstitutu (Azərbaycan)
Tender proseduru Beynəlxalq Yenidənqurma və İnkişaf Bankının dəstəyi ilə keçirilir.
Tenderin şərtlərinə müvafiq olaraq, plan iki il müddətinə hazırlanacaq.
Plan "Böyük Bakı" adlandırılıb. Bakının köhnə planı qrafiki prinsipləri və paytaxtın 22 min hektar ərazisinin konsepsiyasını əhatə edirdi. Paytaxtın real ərazisi 219 min hektardan çoxdur.
Bakı şəhərinin sonuncu baş planı 1987-ci ildə qəbul edilib. Artıq bir ildir ki, Azərbaycan hökuməti tərəfindən, yəni Dövlət Şəhərsalma və Arxitektura Komitəsi tərəfindən DB-nin krediti hesabına Böyük Bakının regional inkişaf planının hazırlanması üzrə layihə həyata keçirilir. Bu layihə özündə Bakı və Sumqayıtın, eləcə də Abşeron rayonunun yaxın 20 ilə perspektiv inkişafını əks etdirir. Belə layihələr Şərqi Avropanın bir sıra ölkələrində həyata keçirilib. Lakin onların heç biri paytaxtı şəhərətrafı regionla və 3 milyondan çox əhali ilə əhatə etməyib. Şübhəsiz, layihə Azərbaycanın şəhər planlaşdırmasında yeni mərhələ olacaq. Layihədə yeni texnologiyalar, məsələn, coğrafi-informasiya sistemi və s. tətbiq olunacaq.
Oktyabrın 26-na rəsmi məzənnə 0,8031 AZN/USD təşkil edir.
Məqalə müəllifi ilə əlaqə ünvanı: [email protected]
