Azərbaycan, Bakı,11 noyabr / Trend , müxbir Ü.İsmayılova/
Qlobal maliyyə böhranı "Bakı-Tbilisi-Qars" dəmiryolunun inşasına təsir göstərməyib. Bu barədə çərşənbə günü Azərbaycanın Baş nazirinin müavini Abid Şərifov bildirib.
"Məlumdur ki, dəmiryol Neft Fondunun vəsaiti hesabına inşa edilir, orada isə dəqiq rəqəmlər qoyulub və qeyri-stabillikdən söhbət gedə bilməz", - Şərifov deyib.
"Bakı-Tbilisi-Qars" layihəsinin tikinti işləri zamanı layihənin modelləşdirilməsinin yenilənməsi səbəbindən bəiz ləngimələr olub, hazırda isə onlar aradan qaldırılıb.
"Xahiş edirəm, bunu inflyasiya və ya digər problemlərlə əlaqələndirməyəsiniz. Burada heç bir əlaqə yoxdur", - Baş nazirin müavini bildirib.
"Bakı-Tbilisi-Qars" 2013-cü ildə istismara veriləcək.
Məqalə müəllifi ilə əlaqə ünvanı: [email protected]
