Azərbaycan, Bakı, 20 fevral / Trend , müxbir E.İsmayılov/
Çexiyanın EximBank-ı Bakı-Böyük Kəsik dəmir yolu hissəsinin bərpa edilməsi layihəsinin maliyyəlşdirilməsinə dair Azərbaycan hökümətinə təklif edib. Bu barədə şənbə günü "Azərbaycan Dəmir Yolları" QSC-nın mənbəsi bildirib.
"Rəy almaq üçün həmin təklif artıq Azərbaycan Nazirlər Kabinetinə müvafiq dövlət strukturlarının müzakirəsinə göndərilib", - mənbə deyib.
Onun sözlərinə görə, Çexiya tərəfi uzunluğu 317 kilometr olan dəmir yolu hissəsinin bərpa edilməsinə 215 milyon dollar ayırmağı təklif edir.
Şərq-qərb dəhlizinin dəmir yolu seqmentini DB maliyyələşdirir və atrıq 450 milyon dollar cəlb edilib.
Hələ təsdiqlənməmiş Azərbaycanın dəmir yollarının inkişafı Dövlət proqramının ümumi məbləği 1,252 milyard manat qiymətləndirilir.
Rusiya sərhədi-Bakı-İran sərhədi (Şimal-cənub nəqliyyat dəhlizi) istiqamətində dəmir yollarının təmirinə dair həmçinin Asiya İnkişaf Bankı (AİB), Avropa Yenidənqurma və İnkişaf Bankı (AYİB), Almaniyanın KfW inkişaf bankı, Yaponiya Beynəlxalq Əməkdaşlıq Agentliyi (JİCA) tərəfindən təklif alınıb. Bununla da, Avropa Bankı Avropa İnvestisiya bankı ilə birgə iştirak etməyi və ümumilikdə 500 milyon dollar ayırmağa, AİB isə maliyyələşdirməyə 550 milyon dollar təqdim etməyə hazır olduğunu bildirib. KfW ADDY-nin mühərrik tərkibinin yenilənməsini maliyyələşdirməyə, JİCA isə dəmir yollarının elektrikləşdirilməsinin maliyyələşdirilməısinə hazır olduqlarını bildirb.
