Azərbaycan, Bakı, 20 mart/ Trend müxbir N.İsmayılova/
Azərbaycanda kənd təsərrüfatı sahəsində subsidiya ödəmələrindəki nöqsanlar aradan qaldırılıb, bu barədə Azərbaycan maliyyə naziri Samir Şərifov bildirib.
"Bu yeni fəaliyyət sahəsidir, biz bəzi nöqsanlar ilə qarşılaşmışıq. Onlar əsasən siyahının yanlış qeydiyyatı ilə əlaqədar olub",- Şərifov qeyd edib.
Onun sözlərinə əsasən, maliyyə monitorinqi xidməti tədqiqatlar aparıb. Sözü gedən tədqiqatlar nəticəsində subsidiyaların ödənişi qaydalarına dəyişikliklər edilib.
"Bu dəyişikliklər əsasən prosedur məsələlərinə aid olub. Onlara əsasında ölkədə nəzarət sisteminin möhkəmləndirilməsi məqsədilə xüsusi qeydiyyat jurnalları tətbiq ediləcək" Şərifov bildirib.
"Maliyyə Nazirliyi həmçinin bu prosesin effektivliyinin artırılması məqsədi ilə digər tədbirlər hazırlayıb",- nazir bildirib
Hazırda Azərbaycanda taxıl istehsalçılarına bir hektar torpağa görə 40 manat həcmində subsidiyalar verilir. İstehsalçılara həmçinin mühərrik yağı, yanacaq və mineral gübrələr almaq üçün 50 faiz güzəştlər təqdim olunub.
