Gürcüstan, Tbilisi, 14 aprel /Trend, müxbir N.Kirsxaliya/
Aprelin 15-də Tbilisidə "Qafqazda, Mərkəzi Asiyada və Aİ ilə qonşu ölkələrdə kreditləşmənin davamlı artımı" mövzusunda beynəlxalq bank konfransı keçiriləcək.
Konfrans Gürcüstan Milli Bankı, Avropa Yenidənqurma və İnkişaf Bankı, Beynəlxalq Valyuta Fondunun təşəbbüsü ilə keçiriləcək. Konfransda 12 ölkənin maliyyə nazirliklərinin, mərkəzi banklarının nümayəndələri iştirak edəcəklər.
Gürcüstanı konfransda Milli Bankın prezidenti Georgi Kadagidze təmsil edəcək.
Forumda xüsusi qonaq qismində Təl-Əviv Universitetinin professoru Leonardo Liderman iştirak edəcək. O, maliyyə sisteminin lariləşdirilməsi sistemi üzrə Gürcüstan Milli Bankına məsləhətlər verir.
Konfrans iştirakçıları kreditləşmənin azalmasının səbəblərini və onların həlli yollarını müzakirə edəcəklər.
Çərşənbə günü Gürcüstan Milli Bankından verilən məlumata görə, görüşdə yaranmış vəziyyət, bank sektorunda islahatlar və görülən tədbirlərin səmərəliliyi təhlil olunacaq.
Gürcüstanın Baş naziri Nika Qilauri, maliyyə və iqtisadi inkişaf nazirləri, diplomatik və beynəlxalq missiyaların nümayəndələri, Gürcüstanın bank sektorunun təmsilçiləri və ekspertlər konfrans iştirakçıları ilə görüşəcək.