Azərbaycan, Bakı, 19 avqust /Trend, müxbir H.Vəliyev/
Azərbaycan hökuməti Beynəlxalq Yenidənqurma və İnkişaf Bankı (DB qrupuna daxildir) ilə birgə daşınmaz əmlakın qeydiyyatı layihəsi çərçivəsində daşınmaz əmlakın idarə olunması, kadastrı və qeydiyyatı sisteminin yaradılması üzrə maraq sorğusu elan edib.
İddiaçıların tapşırıqlarına daşınmaz əmlakın idarə olunması, kadastrı və qeydiyyatı sisteminin yaradılması, texniki dəstəklə bağlı xidmətlərin göstərilməsi, biznes proseslərinin modernləşdirilməsi, qurğular, inteqrasiya, treninqlərin keçirilməsi üzrə təkliflərin verilməsi daxildir.
Sorğuda iştirakın dəyəri 200 manat və ya 250 dollar təşkil edir. Tender təklifləri 100 min dollar dəyərində zəmanət məktubu ilə müşayiət olunmalıdır. İştirakçıların tender təklifləri 25 oktyabr saat 11:00-dək təqdim edilməlidir.
Tender təkliflərinin açılışı Daşınmaz Əmlakın Reyestri Dövlət Xidmətinin binasında keçiriləcək. Ünvan: Hüseyn Cavid prospekti, 31, 6-cı mərtəbə, 612 nömrəli otaq. Əlaqə saxlanan şəxs: layihələrin idarə edilməsi qrupunda alqı-satqı üzrə mütəxəssis Nigar Həsənova, email: [email protected], telefon: (+99412) 510-91-45, faks: (+99412) 510-91-47.
Azərbaycanda daşınmaz əmlakın qeydiyyatı layihəsinin ümumi dəyəri 38,57 milyon dollar təşkil edir.
DB kredit ehtiyatları hesabına layihənin, demək olar, 78 faizini maliyyələşdirir. Beynəlxalq Yenidənqurma və İnkişaf Bankının xətti ilə 5 il güzəşt dövr olmaqla, 20 il müddətinə 30 milyon dollar ayrılıb.
Layihə DB-nin Direktorlar Şurasında 2007-ci il martın 21-də təsdiqlənib.
