...

"Azsığorta"nın sığorta mükafatlarının həcmi il ərzində 25 faiz artıb

Biznes və iqtisadiyyat xəbərləri Materials 26 Avqust 2010 14:06 (UTC +04:00)
Dövlət Sığorta Nəzarəti Xidmətinin statistik məlumatlarının rəsmi nəticələrinə görə, "Azsığorta" Sığorta Şirkəti yarandığı andan ilk dəfə olaraq mükafatların yığımı üzrə üçüncü yerə çıxıb. Bu barədə şirkətin məlumatında deyilir.
"Azsığorta"nın sığorta mükafatlarının həcmi il ərzində 25 faiz artıb

Azərbaycan, Bakı, 26 avqust /Trend/

Dövlət Sığorta Nəzarəti Xidmətinin statistik məlumatlarının rəsmi nəticələrinə görə, "Azsığorta" Sığorta Şirkəti yarandığı andan ilk dəfə olaraq mükafatların yığımı üzrə üçüncü yerə çıxıb. Bu barədə şirkətin məlumatında deyilir.

2010-cu ilin yanvar-iyulunda sığorta mükafatlarının həcmi 7,67 milyon manat təşkil edib ki, bu da ötən ilin analoji dövrü ilə müqayisədə 25 faizdən çoxdur.

2009-cu ilin yanvar-iyul aylarında şirkətin xalis mənfəəti 1,327 milyon manat, 2010-cu ilin analoji dövründə isə 3,947 milyon manata çatıb. Artım 200 faiz təşkil edib.

"Azsığorta" 2006-cı ilin noyabrında yaradılıb. Bu günə şirkətin nizamnamə kapitalı 4,643 milyon manat təşkil edir. Şirkətdə 180-dən artıq əməkdaş çalışır. "Azsığorta" 32 könüllü və beş icbari növ üzrə xidmətlər təqdim edir.

Xəbər lenti

Xəbər lenti