Azərbaycan, Bakı, 6 dekabr /Trend, müxbir Ü.İsmayılova/
2011-ci ildə Azərbaycanın sığorta şirkətlərinin portfelində 5-10 faiz səviyyəsində artım gözlənilir. Bu barədə bazar ertəsi Azərbaycan Maliyyə Nazirliyinin Dövlət Sığorta Nəzarəti Xidmətinin rəhbəri Namiq Xəlilov bildirib.
"2010-cu ilin yekunları üzrə azərbaycanlı sığortaçıların portfelinin həcmi ötən ilki səviyyədə qalacaq", - Xəlilov bildirib. 2009-cu il ərzində azərbaycanlı sığortaçıların mükafatlarının həcmi 163,31 milyon manat, ödənişləri isə 53,07 milyon manat təşkil edib.
Onun sözlərinə görə, cari ilin yekunları üzrə sığortaçıların portfelinin formalaşması, eləcə də gələn il üzrə mümkün artım avtomobil sığortası, eləcə də sığorta polislərinin pərakəndə satışı sayəsində təmin olunacaq.
"Sığortaçıların portfelində artım ölkədə sığorta mədəniyyətinin inkişafına tədricən təsir göstərəcək", - Xəlilov hesab edir.
Azərbaycanda fəaliyyət göstərən 27 sığorta şirkətinin yanvar-oktyabrda mükafatlarının həcmi 130,30 milyon manat, ödənişləri isə 41,27 milyon manat təşkil edib.
