Azərbaycan, Bakı, 28 yanvar /Trend, müxbir A.Bədəlova/
Azərbaycan Dövlət Sosial Müdafiə Fondunun gəlirləri 2010-cu ildə 1765,7 milyon manat təşkil edib. Bu göstərici 2009-cu ilin gəlirlərindən 164 milyon manat (10,2 faiz) çoxdur. Trend-in məlumatına görə, bu barədə cümə günü təşkilatın kollegiya iclasında DSMF-nin sədri Səlim Müslümov deyib.
Mütləq dövlət sosial sığorta üzrə ödəmələrdən gəlir 2009-cu illə müqayisədə 80 milyon manat (7,7 faiz) artaraq 1114,3 milyon manata çatıb.
Qeyri-büdcə təşkilatlarından mütləq dövlət sığortası üzrə ödəmələrdən gələn gəlir 2010-cu ildə 72,5 milyon manat (12,6 faiz) artaraq 648,8 milyon manata çatıb. Fiziki şəxslərin ödəmələrindən gələn gəlir 2010-cu ildə 8,7 faiz, torpaq sahiblərindən gəlir isə 58 faiz artıb.
Fondun xərcləri 2010-cu ildə 2009-cu illə müqayisədə 89,7 milyon manat (5,4 faiz) artaraq 1765,1 milyon manata çatıb.
"İqtisadi fəallığın yüksəlməsi nəticəsində 2010-cu ildə müşahidə olunan pensiyaların baza hissəsi ötən il sentyabrın 1-dən 10 manat artaraq 85 manata çatıb", - Sosial Fondun rəhbəri deyib.
Kollegiya iclasında pensiya və müavinətlərin əlavə edilməsi üzrə avtomatlaşdırılmış sistem, eləcə də digər istiqamətlərdə gələcək tədbirlərin fəallaşdırılması barədə qərar qəbul olunub.
Həmçinin, iclasda 2010-cu ildə yerli orqanların öz fəaliyyətlərində səhvlərə yol verən vəzifəli şəxslərə qarşı fəaliyyəti təfərrüatı ilə təhlil olunub, intizam qaydalarının tətbiqi ilə bağlı qərarlar qəbul edilib.
Yanvarın 28-nə olan rəsmi məzənnə 0,7969 AZN/USD təşkil edir.