Azərbaycan, Bakı, 15 mart /Trend, müxbir Ü.İsmayılova/
Yanvar-fevralda Azərbaycanda tikinti sənayesi sahəsində 31,6 milyon manatlıq material istehsal edilib. Bu barədə çərşənbə axşamı Dövlət Statistika Komitəsindən məlumat verilib.
Bu müddət ərzində istehsal müəssisələrində 145,2 min ton sement istehsal edilib ki, bu da 2010-cu ilin analoji dövr göstəricisindən 2,1 faiz çoxdur. 14,2 min ton tikinti gipsi (2,5 dəfə çox), eləcə də 26 min kubmetr tikinti kərpici, 86,6 min ton asfalt, 8,8 min kubmetr beton konstuksiyalar, 82,9 min ton hazır beton qatışığı istehsal edilib.
2011-ci il martın 1-nə olan vəziyyətə görə, müəssisələrin anbarlarında 9 milyon manatlıq hazır məhsul ehtiyatı yaradılıb ki, bu da ölkə sənayesində hazır məhsulun ümumi ehtiyat həcminin 4,2 faizini təşkil edir.