Azərbaycan, Bakı, 16 mart /Trend, müxbir N.İsmayılova/
Fəaliyyətə başladığı andan cari il martın əvvəlinədək Almaniya-Azərbaycan Fondu (AAF) öz vəsaitləri hesabına ümumi məbləği 109 milyon avro olan 29 min krediti maliyyələşdirib. Trend-in məlumatına görə, bu barədə çərşənbə günü AAF-in texniki meneceri Andreas Franke bildirib.
"Bu günə verilən kreditlərin ümumi miqdarının 23,5 faizi və ümumi məbləğin 33 faizi Bakının payına düşür", - Franke deyib.
Onun sözlərinə görə, verilən kreditlərin ümumi sayının 8,8 faizi və ümumi məbləğin 11 faizi Sumqayıt şəhərinin, müvafiq olaraq 10,6 faiz və 9,4 faizi Lənkəran rayonunun, 21 və 13 faizi Şəki-Zaqatala iqtisadi rayonunın, 10 və 8,8 faizi Aran rayonlarının, 13,6 və 11,5 faizi Gəncə-Qazax iqtisadi rayonunun, 0,7 və 1,4 faizi Quba-Xaçmaz iqtisadi rayonunun payına düşür.
Bu gün verilən kreditlərin ümumi həcmində AAF-in kredit portfelinin strukturu aşağıdakı kimi bölüşdürülüb: 67 faiz ticarət, 18 faiz xidmətlər, 14 faiz istehsal və dörd faiz kənd təsərrüfatının payına düşür. Verilən kreditlərin həcmi üzrə portfelin strukturu sektorlar arasında bölüşdürülüb. Belə ki, 64 faiz ticarətin, 21 faiz xidmətlərin, 10 faiz istehsalın, 5 faiz isə kənd təsərrüfatının payına düşür.
Hazırda fondun cari portfeli 13,98 milyon avro təşkil edir. Bunun hesabına 6311 kredit verilib. Verilən kreditlərin 93 faizindən hər bir borcun məbləği 15 min avronu ötmür.
"Bu gün fondun risk altında olan portfelinin payı son bir neçə ayda 1,6 faiz təşkil edir. O, son ilyarımda xeyli azalıb və indi çox yaxşı səviyyədədir", - o bildirib.
Hazırda fondun fəaliyyəti 36 xidmət nöqtəsinin fəaliyyət göstərdiyi 16 regionu əhatə edir.
Fond tərəfindən maliyyələşdirmə 2001-ci ildə KfW krediti hesabına başlayıb. Almaniya bankı AAF-ə iki tranşla 8,7 milyon avro təqdim edib. Onların və AYİB-in kredit ehtiyatlarının mənimsənilməsi başa çatıb, çünki hazırda yerli bankların maliyyələşdirilməsi revolver hesabdan həyata keçirilir. AYİB bankların AAF vasitəsilə maliyyələşdirilməsinə 2006-cı ildə Azərbaycanda mikro və kiçik sahibkarlıq üçün ictimai çərçivə maliyyə xidmətlərinin mexanizmi (AMBF-MSE) çərçivəsində qoşulub.
AAF-in yaradılması haqqında saziş 1999-cu ildə imzalanıb, kreditlərin verilməsinə 2001-ci ilin martında başlanıb. 2001-ci ilin martından AAF-in tərədaşları "Bank of Baku" və "Unibank", 2003-cü ilin yanvarından "Parabank" və "Bank Respublika", 2004-cü ilin sentyabrından DəmirBank (əvvəlki "Azərdəmiryolbank") və AGBank, 2006-cı ilin dekabrından "Rabitəbank" və "MuğanBank", 2007-ci ilin fevralından isə "Nikoil Bank"dır.
