Azərbaycan, Bakı, 22 aprel /Trend, müxbir İ.Xəlilova/
Ukrayna ARDNŞ qarşısında 1999-2000-ci illər üçün dizel yanacağının tədarükü üzrə borcunu yaxın vaxtlarda ödəmək öhdəliyi götürüb. Bu barədə hökumətdəki mənbə deyib. Azərbaycanın Ukrayna bazarına neft məhsullarının tədarükü üzrə yaranmış borc 5,269 milyon dollar təşkil edir.
"Ukrayna hökumətinin nümayəndələri dünən Bakıda keçirilən iqtisadi əməkdaşlıq məsələləri üzrə Azərbaycan-Ukrayna hökumətlərarası komissiyanın doqquzuncu iclasında Ukraynanın yaxın vaxtlarda borcu ödəmək niyyəti barədə bildiriblər. Bu, yekun protokolda öz əksini tapıb", - mənbə bildirib.
Onun sözlərinə görə, bu borcun ödənişi nağd şəkildə ediləcək.
90-cı illərin əvvəllərində iki ölkənin ticari-iqtisadi fəaliyyət subyektləri arasında da borc yaranıb, lakin hazırda bir sıra müəssisələrləğv edilib. Borcların dövlət borcu kimi rəsmiləşdirilməməsinə görə dövlətlər məsuliyyət daşımır.
