Azərbaycan, Bakı, 11 may /Trend, müxbir A.Axundov/
Azərbaycanda ABŞ-ın sığorta şirkəti "Chartis"in (AIG Insurance) törəmə strukturunun aktivləri 2010-cu ildə 3,93 faiz artıb. Bu barədə şirkətin çərşənbə günü rəsmi mətbuatda dərc olunmuş balans hesabatında deyilir.
2010-cu ildə fəaliyyətinin yekunları üzrə şirkətin aktivləri ötən ilin əvvəlindəki 5,645 milyon manata nisbətdə 5,867 milyon manat təşkil edib.
Ötən il şirkətin depozit hesabları 2,325 milyon manat təşkil edib, qiymətli investisiya kağızlarına 1,154 milyon manat qoyulub.
"Chartis Azerbaijan"nın səhmdar kapitalı il ərzində dəyişməyib və 2010-cu ilin sonuna 3,5 milyon manat təşkil edib.
Ötən il şirkətin məcmu kapitalı 2009-cu illə müqayisədə 4,7 faiz azalaraq 3,161 milyon manat olub.
Şirkətin məcmu öhdəlikləri 16,25 faiz artaraq 2,706 milyon manat, ümumilikdə kapital və öhdəlikləri 3,93 faiz artaraq 5,867 milyon manat təşkil edib.
2010-cu ilin yekunları üzrə şirkətin məcmu itkiləri 156,554 min manat olub.
Şirkətin maliyyə hesabatları və vergi bəyannamələri üzrə auditor rəyi müstəqil auditor şirkəti "Deloitte&Touche" ASC tərəfindən tərtib edilib.
"Chartis Azerbaijan" sığortanın bir icbari və yeddi könüllü növü üzrə xidmətlər göstərir.
2010-cu ildə şirkət 265,91 min manat ödənişlə 1,739 milyon manta məbləğdə sığorta haqqı yığıb. 2011-ci ilin birinci rübündə yığımlar 451,275 min manat, ödənişlər 749 manat olub.
Mayın 11-nə olan rəsmi məzənnə 0,7911 AZN/USD təşkil edir.
