Azərbaycan, Bakı, 14 may/Trend, müxbir A.Axundov/
Apreldə Azərbaycanda kənd təsərrüfatı məhsullarının istehsal qiyməti martla müqayisədə azalıb, yanvar-aprel ərzində ötən ilin anoloji dövrü ilə müqayisədə 13,5 fazi artıb. Bu barədə şənbə günü Azərbaycan Dövlət Statistika Komitəsindən məlumat verilib.
Apreldə heyvandarlıq məhsullarının qiyməti ümumilkdə ötən ayla müqayisədə 0,3 faiz, ötən ilin anoloji dövrü ilə müqayisədə ilk dörd ay ərzində 11,6 faiz artıb. İri bunuzlu mal-qara diri çəkidə 0,9 faiz (ötən ilin anoloji dövrü ilə müqayisədə 9,4 faiz); toyuq diri çəkidə və yumurta 4,4 faiz (21,4 faiz) ucuzlaşıb. Diri çəkidə qoyun və keçilərin, onların südü (emal edilməmiş) və yununun qiymətləri ay ərzində 0,6 faiz azalıb, lakin yanvar-apreldə ötən ilin anoloji dövrü ilə müqayisədə 7,3 faiz artıb.
Kənd təsərrüfatı məhsullarının taxıl və paxla bitkilərinin istehsal qiymətləri ay ərzində 0,6 faiz, il ərzində 28,5 faiz artıb, tərəvəz və bostan məhsullarının qiyməti isə 0,3 faiz (il ərzində 4,7 faiz artım), çoxillik bitkilər 1,4 (il ərzində 20,4 faiz) azalıb.
Apreldə meşə təsərrüfatı mallarını qiymətləri ay ərzində 5 faiz, il ərzində 2,2 faiz, balıq və balıq məhsullarının 2,4 faiz (il ərzində 7,7 faiz) azalıb.
Yanvar-apreldə faktiki qiymətlər üzrə kənd təsərrüfatı məhsullarının ümumi dəyəri 676,569 milyon manat təşkil edib. Bu, ötən ilin anoloji dövrünün göstəricisidən 19,4 faiz çoxdur.
2011-ci ilin yanvar-aprelində Azərbaycanda kənd təsərrüfatı məhsullarının istehsalı ötən ilin anoloji dövrü ilə müqayisədə 5,2 faiz, o cümlədən bitkiçilik məhsulları 10,5 faiz, heyvandarlıq məhsulları 5 faiz artıb.
Bu müddət ərzində faktiki qiymətlər üzrə meşə təsərrüfatı mallarının qiyməti 392,9 min manat təşkil edib. Bu göstərici ötən ilin yanvar-aprelində 442,3 min manat olub. Balqıçılıq təsərrüfatının qiyməti isə 56,1 min manat təşkil edib. Bu göstərici ötən ilin yanvar-aprelində 50 min manat olub.
Mayın 14-nə olan rəsmi məzənnə 0,7908 AZN/USD təşkil edir.