...

Azərbaycanda üçüncü sənaye parkının yerləşəcəyi yer müəyyənləşib

Biznes və iqtisadiyyat xəbərləri Materials 16 May 2011 14:53 (UTC +04:00)

Trend-i buradan izləyin

Azərbaycan, Bakı, 16 may /Trend, müxbir N.İsmayılova/

Bakının Balaxanı qəsəbəsində müasir texnologiyalardan istifadə etməklə sənaye parkı yaradılacaq. Trend-in məlumatına görə, bu barədə iqtisadi inkişaf naziri Şahin Mustafayev Azərbaycan Dövlət Televziyasına müsahibəsində bildirib.

Nazirin sözlərinə görə, bu məsələ Azərbaycan Prezidenti İlham Əliyevin 2011-ci il 4 may tarixli sərəncamla təsdiq etdiyi "2011-2013-cü illərdə Bakı şəhəri və onun qəsəbələrinin sosial-iqtisadi inkişafı üzrə Dövlət Proqramı"nda öz əksini tapıb.

"Təmzi Şəhər" ASC artıq iki ilə yaxındır ki, Balaxanı poliqonunda reabilitasiya işləri aparır. Orada hazırda artıq əvvəllər olduğu kimi, çox da pis olmayan ekoloji vəziyyət müşahidə edilmir. Bu məqsədlə bərk məişət tullantılarının çeşidlənməsi, çeşidlənmiş tullantıların təkrar istehsalatda istifadəsi üçün yeni müəssisələr yaradılacaq", - Mustafayev deyib.

Onun sözlərinə görə, xüsusilə plastik tullantıların, emal edilmiş akkumulyatorların, şin və metal emalı üzrə müəssisənin yaradılması planlaşdırılır.

"Gələcəkdə onların siyahısı genişlənəcək, sənaye parkı yaradılacaq və sahibkarlar təşəbbüslə çıxış etsələr, onlara torpaq sahələri və nazirlik tərəfindən dəstək veriləcək", - o qeyd edib.

Nazirin sözlərinə görə, texniki parkın yaradılmasına nazirlik xarici investorları və müasir texnologiyaları cəlb etmək, eləcə də Azərbaycan İnvestisiya Şirkətinin imkanlarından istifadə etmək niyyətindədir.

"Təmiz Şəhər" ASC Bakıda məişət tullantılarının yığılması, emalı və utilizasiyası üzrə mərkəzləşdirilmiş sistemin yaradılması məqsədilə açılıb. Onun vəzifəsinə bərk tullantıların yerləşdirilməsi və zərərsizləşdirilməsi daxildir. Bakı şəhər İcra Hakimiyyəti tərəfindən mənbəyindən asılı olmayaraq yığılan bütün bərk tullantıların ASC-yə təhvil verilməsi tapşırılıb.

Balaxanı poliqonu daxil olmaqla, tullantı poliqonlarının bərpası və ya bağlanması üzrə məsləhət xidmətlərinin həyata keçirilməsi üçün Yunanıstanın "Harress Pikel Consult AG" şirkəti cəlb edilib. Balaxanı tullantı poliqonu daxil olmaqla, Bakı şəhəri ərazisində yerləşən tullantı poliqonlarının bərpası və ya bağlanması layihəsini həyata keçirməklə Bakı şəhəri ərazisində tullantıların idarə edilməsi sisteminin təkmilləşdirilməsi və bərk məişət tullantılarının ətraf mühitə zərərli təsirinin azaldılması nəzərdə tutulur.

Balaxanı zibilyandırma zavodunun tikintisi Azərbaycan Prezidentinin 2006-cı il 28 sentyabr tarixli fərmanı ilə təsdiq olunmuş "2006-2010-cu illərdə Azərbaycan Respublikasında ekoloji vəziyyətin yaxşılaşdırılması üzrə kompleks tədbirlər planı" çərçivəsində həyata keçirilir. Zavodun gücü ildə 500 min ton bərk tullantıların və 10 min ton tibbi tullantıların utilizasiyasına imkan verəcək. Bu cür zavodlar dünyada "Tullantıdan enerjiyə" (Waste to Energy) sinfindən olan müəssisələr kimi tanınır. Bakıda tikilən zibilyandırma zavodu 231,5 milyon kilovat-saat elektrik enerjisi istehsal edəcək. Zavod zibilin ümumi kütləsini üç dəfə, həcmini isə 10 dəfə azaltmağa imkan verəcək. Zibilyandırma zavodu 2012-ci ilin sonlarında istismara veriləcək.

Balaxanı zibilyandırma zavodu bərk tullantıların yandırılması üzrə dördüncü nəsil zavodlara aiddir və Azərbaycan Respublikası ilə Avropa İttifaqının ən ciddi ekoloji normativ aktlarına, eləcə də ətraf mühitin mühafizəsi sahəsində bütün beynəlxalq standartlara uyğundur.

Hazırda Sumqayıtda artıq energetika təyinatlı məhsul buraxan texniki park fəaliyyət göstərir, bir neçə zavod "Azərsun Holdinq" tərəfindən tikilir. Orada müxtəlif növ məhsul buraxılacaq. İkinci sənaye şəhərciyinin də Sumqayıtda kimya kompleksinin ərazisində yaradılması planlaşdırılır. Buna müvafiq olaraq, üçüncü sənaye şəhərciyi Balaxanı qəsəbəsində yerləşəcək.

Xəbər lenti

Xəbər lenti