Azərbaycan, Bakı, 9 iyun /Trend, müxbir A.Axundov/
Azərbaycan Dövlət Gömrük Komitəsi (DGK) mayda gömrük rüsümları və vergilərin yığılması sayəsində dövlət büdcəsinə 101,02 milyon manat köçürüb. Trend-in məlumatına görə, bu barədə bazar ertəsi DGK-nın saytında dərc edilən məlumatda deyilir.
Apreldə dövlət büdcəsinə ödənişlər 100,227 milyon manat təşkil edib.
Mayda gömrük rüsumlarından daxilolmalar 18,211 milyon manat, idxal edilən malların əlavə dəyər vergisi 75,458 milyon manat, aksiz üzrə 6,361 milyon manat, yol vergisi üzrə 0,99 milyon manat təşkil edib.
2011-ci il üçün DGK xətti üzrə ödənişlər proqnozu 2010-cu ilin faktiki göstəricisindən 3,5 faizdən 1,140 milyard manatadək artırılıb. Yanvar-mayda ödənişlər 441,817 milyon manat olub.
Ötən il DGK proqnozu 100,16 faiz yerinə yetirərək dövlət büdcəsinə planlaşdırılan 1,1 milyard manata nisbətdə 1 101,73 milyon manat köçürüb.
İyunun 9-na olan rəsmi məzənnə 0,7887 AZN/USD təşkil edir.
